गडहिंग्लज : येथील शिवराज महाविद्यालया एन.सी.सी.ची कॅडेट शुभांगी संजय पाटील यांची काकीनाडा केरळ येथे १२ ते २३ ऑक्टोंबर दरम्यान होणाऱ्या एन.सी.सी. च्या स्पेशल नॅशनल इंटीग्रेशन कँपसाठी निवड झाली आहे. या कँपसाठी संपूर्ण भारतातून एन.सी.सी.कॅडेट निवडले जातात. कोल्हापूर जिल्ह्यातून आमच्या महाविद्यालयाची शुभांगी पाटील यांची ही निवड ५६ महाराष्ट्र एन.सी.सी. बटालियन कोल्हापूर येथे करण्यात आली. या कॅडेट शुभांगी पाटील शिवराज विद्या संकुलाचे अध्यक्ष प्रा. किसनराव कुराडे, सचिव डॉ. अनिलराव कुराडे, उपाध्यक्ष अॅड. दिग्विजय कुराडे, प्राचार्य डॉ. एस. एम. कदम यांचे प्रोत्साहन तर ५६ महाराष्ट्र एन.सी.सी. बटालियन कोल्हापूर कर्नल पुनीत गोगीया, कमांडींग ऑफिसर सुभेदार मेजर राहुल बोडके, ट्रेनिंग जेसिओ श्री अडसुळे, एन.सी.सी. विभाग प्रमुख डॉ. राहुल मगदूम व प्रा. जयवंत पाटील यांचे मोलाचे मार्गदर्शन लाभले.