गडहिंग्लज : येथील शिवराज कॉलेज ऑफ फार्मसीमध्ये प्रथमवर्ष डी. फार्मसी व प्रथम बी. फार्मसी विद्यार्थ्याच्या स्वागतासाठी फ्रेशर्स पार्टीचे आयोजन करण्यात आले होते. कार्यक्रमाच्या अध्यक्षस्थानी शिवराज विध्यासंकुलाचे अध्यक्ष प्रा. किसनराव कुराडे होते. या कार्यक्रमास प्रमुख पाहुणे म्हणून गौरीशंकर कॉलेज ऑफ फार्मसीचे प्राचार्य व्ही. एन. राजे लाभले. यावेळी प्राचार्य राजे म्हणाले, सकारात्मक विचाराने प्रेरित होऊन जिद्द, चिकाटी, सातत्य व आत्मविश्वास ठेवला तर यश आपल्यासमोर स्वतःहून उभे राहते. शिवराज विध्यासंकुलाचे अध्यक्ष प्रा. किसनराव कुराडे यांनी सांगितले वैदिक काळापासून भारतामध्ये वैध्यकीय शिक्षण असून २१ व्या शतकातदेखील समाजाला सेवा देण्याचे कार्य औषधनिर्माण शिक्षण शाखेद्वारे असेच अव्याहतपणे सुरु रहावे अशी सदिच्या व्यक्त केली. शिवराज कॉलेज ऑफ फार्मसीचे प्राचार्य डॉ. राहुल जाधव यावेळी म्हणाले १२वी पर्यंतचा अभ्यासक्रम शिक्षक केंद्रिन असतो. परंतु, व्यवसायिक अभ्यासक्रम हा विध्यार्थी केंद्रित असल्यामुळे विध्याथ्र्यांनी क्रमिक पुस्तकांबरोबरच संदर्भ पुस्तकांवर तसेच त्या विषयानुरूप संशोधन पेपरवर जास्तीतजास्त भर ध्यायला हवा ते पुढे असेही म्हणाले की, फार्मसी विध्याशाखा इतर समुचित विध्याशाखांची मिळून बनली आहे. त्यामुळे अष्टपैलू फार्मासिस्ट बनण्यास याची मदत होते.
प्रारंभी मान्यवरांच्याहस्ते दीपप्रज्वलनाने कार्यक्रमाची सुरवात झाली. यावेळी विध्यार्थ्यांनी आपले विविध कलागुण व नृत्याविष्कार सादर केले. मिस्टर फ्रेशर्स रोहन बागडी याची निवड करण्यात आली तर मिस फ्रेशर्स निदा नाईकवाडे हि ठरली. विकुलाचे
सचिव डॉ. अनिल कुराडे व प्रा. बिनादेवीकुराडे यांच्या हस्ते मिस्टर व मिस फ्रेश याना गौरविण्यात आले तसेच पुढील कारकीर्दीसाठी शुभेच्छा देण्यात आल्या.या संपूर्ण कार्यक्रमाचे सूत्रसंचालन प्रा. मनीषा जाधव यांनी केले व आभार प्रदर्शन प्रा. अनघा पाटील यांनी मांडले.