गडहिंग्लज : येथील शिवराज महाविद्यालयात भौतिकशास विभागामार्फत आयोजित माजी राष्ट्रपती डॉ. सर्वपल्ली राधाकृष्णन यांचा जन्मदिवस "शिक्षक दिन' म्हणून साजरा करण्यात आला. प्रारंभी डॉ. सर्वपल्ली राधाकृष्णन यांच्या प्रतिमेचे पूजन शिवराज विद्या संकुलाचे अध्यक्ष प्रा. किसनराव कुराडे यांच्या हस्ते करण्यात आले. या कार्यक्रमाच्या अध्यक्षस्थानी प्राचार्य डॉ. एस.एम. कदम होते. तर प्रारंभी स्वागत व प्रास्ताविक प्रा. सुशांत पांगम यांनी केले. या कार्यक्रमात प्रा. गौरव पाटील यांनी डॉ. सर्वपल्ली राधाकृष्णन यांच्या कार्याचा आदर्श आजच्या पिढीने घेणे गरजेचे आहे. डॉ. राधाकृष्णन यांनी ४० वर्षे उत्तम शिक्षक म्हणून केलेल्या मौलिक कार्याची नोंद घेऊन भारत सरकारने पाच सप्टेंबर हा दिवस शिक्षक दिन म्हणून साजरा करण्याचा निर्णय घेतला आहे. डॉ. राधाकृष्णन हे कलकत्ता विद्यापीठाचे तत्त्वज्ञानाचे प्राध्यापक म्हणून कार्य बजावित असताना त्यांना पंडित मदन मोहन मालवीय यांच्या विनंतीनुसार ते बनारस हिंदू विश्वविद्यालयाचे कुलगुरू झाले. सोव्हियत युनियनमध्ये भारताचे राजदूत म्हणून आपले कार्य बजाविले. त्यांनी लिहिलेल्या तत्वज्ञान प्रसाद या पुस्तकास सर्वोकृष्ट तत्वज्ञान पुस्तक म्हणून गौरविण्यात आले. त्यांनी लिहिलेल्या साठहून अधिक ग्रंथांचे आजही मंचन केले जात आहे. असल्याचे प्रा. पाटील यांनी स्पष्ट केले. यावेळी शिवराज विद्या संकुलाचे अध्यक्ष प्रा. किसनराव कुराडे यांनी आपल्या मार्गदर्शनामध्ये धोरपुरुषांनी केलेल्या कार्याची ओळख नव्या पिढीला होण्यासाठी असे उपक्रम होणे आवश्यक आहे. नव्या पिढीने थोर पुरुषांनी केलेल्या कार्याची जाणीव ठेवणे आवश्यक आहे. डॉ. राधाकृष्णन यांचा जन्मदिवस हा शिक्षक दिन म्हणून साजरा केला जातो आहे. त्यांनी दिलेले योगदान आजही मोलाचे ठरते असल्याचे त्यांनी सांगितले. या कार्यक्रमास संचालक श्री बसवराज आजरी, नॅकचे समन्वयक प्रा. किशोर आदाटे, पर्यवेक्षक प्रा. तानाजी कुराडे, सर्व प्राध्यापक प्रशासकीय सेवक, विद्यार्थी-विद्यार्थिनी उपस्थित होते. आभार प्रा. तेजस्विनी शिंदे यांनी मानले.