शिवराज महाविद्यालयातील ५० किलोवॅट क्षमतेच्या सोलर पॉवर युनिटचे आमदार सतेज उर्फ बंटी पाटील यांच्या हस्ते उदघाटन

KolhapurLive
गडहिंग्लज : शिवराज महाविद्यालयात सर्वत्र सोलरीकरण करण्यात आले आहे. यासाठी आवश्यक अशा ५० किलोवॅट क्षमतेच्या सोलर पॉवर युनिटचे उदघाटन आमदार सतेज उर्फ बंटी पाटील यांच्या हस्ते करण्यात आले. शिवराज विद्या संकुलाचे अध्यक्ष प्रा. किसनराव कुराडे यांच्या अध्यक्षतेखाली संपन्न झालेल्या या कार्यक्रमात स्वागत डॉ.राहुल मगदूम यांनी केले तर संस्थेचे उपाध्यक्ष अँड. दिग्विजय कुराडे यांनी प्रास्ताविकात संस्थेच्यावतीने राबविण्यात येणाऱ्या विविध उपक्रमाचा आढावा घेतला. आमदार सतेज उर्फ बंटी पाटील यांचा सत्कार प्रा. किसनराव कुराडे यांच्या हस्ते करण्यात आले. यावेळी आपल्या मार्गदर्शनामध्ये आमदार सतेज उर्फ बंटी पाटील यांनी सद्या सर्वत्र स्पर्धा आहे. त्यातच नवीन शैक्षणिक धोरण आलेले आहे. नव्या शैक्षणिक धोरणातून स्वायत्त संस्था म्हणून विकसित होणे आवश्यक आहे. स्वायत्तच्या माध्यमातून आपण बदलती टेक्नोलॉजी शिक्षणात आणता येईल व त्याचा उपयोग ग्रामीण भागातील विद्यार्थ्यांना करणे शक्य होईल असा विश्वास त्यांनी यावेळी व्यक्त केला. आज सर्वत्र क्रिएटर इकोनॉमी विकसित होत आहे. त्याचा वापर करून विद्यार्थी करिअर पडवीत आहेत. आज विद्यार्थ्यासमोर मोठ्या प्रमाणात प्रलोभने आहेत. त्यापासून स्वतःला वाचवून करिअर घडविणे विद्यार्थ्यांसमोर चॅलेंज असल्याचे त्यांनी सांगितले. यावेळी संस्थेचे सचिव डॉ. अनिलराव कुराडे, सुर्यकांत बुद्धीहाळकर, डॉ. विक्रम चव्हाण, अभिषेक शिंपी, संग्राम अडकूरकर, सोमगोंडा आरबोळे, नंदनवाडे गुरुजी, बसवराज आजरी, श्रीरंग उर्फ पापा चौगुले यांच्यासह अन्य मान्यवर, प्राध्यापक, विद्यार्थी-विद्यार्थिनी उपस्थित होते. कार्यक्रमाचे सूत्रसंचालन पर्यवेक्षक प्रा. तानाजी चौगुले यांनी केले तर आभार प्राचार्य डॉ. एस. एम. कदम यांनी आभार मानले.