गडहिंग्लज :ग्रामीण भागातील विद्यार्थ्यांमध्येच खरे 'टॅलेंट' आहे. विद्याथ्र्यांनी आपले करिअर घडविण्यासाठी प्रयत्नशील राहिले पाहिजे असे प्रतिपादन प्रांताधिकारी श्री बाबासाहेब वाघमोडे यांनी केले. येथील संभाजीराव माने ज्युनिअर कॉलेज आयोजित अकरावी आर्ट्स व कॉमर्सच्या नवागत विद्यार्थ्यांच्या स्वागत समारंभात ते बोलत होते. या कार्यक्रमाच्या अध्यक्षस्थानी शिवराज विद्या संकुलाचे उपाध्यक्ष अँड. दिग्विजय कुराडे होते. प्रारंभी स्वागत व प्रास्ताविक पर्यवेक्षक प्रा. तानाजी चौगुले यांनी केले. यावेळी नवागत विद्यार्थ्यांचे स्वागत करण्यात आले. यावेळी प्रांताधिकारी श्री वाघमोडे यांनी विद्यार्थ्यांना मार्गदर्शन करताना पुढे म्हणाले- विद्यार्थ्यांनी आपले ध्येय निश्चित करून त्यादृष्टीने आतापासूनच प्रयत्नशील राहिले पाहिजे, विद्यार्थ्यांनी आपण घडत असताना आपल्या जडणघडणीमध्ये योगदान देणारे आई-वडील व गुरुजन यांना कधीच विसरू नका. विद्यार्थ्यांनी कोणत्याही क्षेत्रात करिअर करण्याचे ठरविले तर त्याचे वेळीच नियोजन करून ज्ञानाबरोबर कौशल्य आत्मसात करणे आवश्यक असल्याचे त्यांनी सांगितले. आपले ध्येय गाठण्यासाठी ज्ञान, कौशल्य आणि आपल्याला मिळणाऱ्या मार्गदर्शकांचे अनुभव हे घेऊनच आपली वाटचाल यशस्वी करावी. आज विद्यार्थ्यांना विविध क्षेत्रात खूप संधी आहेत. त्या संधी मिळविण्यासाठी विद्यार्थ्यांनी ज्ञान, संस्काराची शिदोरी घेऊनच आपले करिअर घडविणे अत्यंत गरजेचे असल्याचे त्यांनी सांगितले. यावेळी प्राचार्य डॉ. एस. एम. कदम यांनी विद्यार्थ्यांनी ज्ञानार्जनातून आपल्या प्रयत्नाला बळ द्या नक्कीच यशस्वी होऊन आपल्या आई-वडिल व शिक्षकांचे स्वप्न पूर्ण कराल त्यासाठी विद्यार्थ्यांनी प्रयत्न करणे आवश्यक असल्याचे स्पष्ट केले. उपाध्यक्ष अॅड. दिग्विजय कुराडे यांनी आपल्या अध्यक्षीय भाषणातून मार्गदर्शनातून विद्यार्थ्यांनी जाणीवेने शिकले पाहिजे. सद्या सर्वत्र स्पर्धा आहेत. या स्पर्धेत जो विद्यार्थी शिकून परिपूर्ण होतो तोच आपले भविष्य घडविण्यात यशस्वी होणार आहे. त्यामुळे विद्यार्थ्यांनी आपल्या करिअर घडविण्यासाठी सज्ज राहून ज्ञानात अपडेट राहिले पाहिजे असे त्यांनी स्पष्ट केले. बसर्गे हायस्कूलचे मुख्याध्यापक ए. आर. वाघराळकर यांनीही विद्यार्थ्यांना मार्गदर्शन केले. विद्यार्थी ऋतुजा खांडेकर, समृद्धी चव्हाण, रेहान पठाण, ऋषिकेश नेमिष्टे या विद्याथ्यांनी आपले मनोगत व्यक्त केले. यावेळी बारावीतील गुणवंत विद्यार्थ्यांचा सत्कार मान्यवरांच्या हस्ते करण्यात आला, या कार्यक्रमास गिजवणे हायस्कूलचे मुख्याध्यापक श्री डी. के. परीट, सोलापूर हायस्कूलचे मुख्याध्यापक श्री एन. टी. पाटील, कडलगे हायस्कूलचे मुख्याध्यापक एस.एस. कांबळे, नंदनवाड हायस्कूलचे मुख्याध्यापक श्री आर.एम चव्हाण, हिरण्यकेशी विद्यालय हिरलगेचे मुख्याध्यापक श्री आर. एम. शिऊडकर, वसंतदादा विद्यालय उत्तूरचे मुख्याध्यापक एस. एस. कांबळे, शिवराज इंग्लिश मेडियमच्या मुख्याध्यापिका सौ. गौरी शिंदे, गोविंदराव माळी हायस्कूलचे मुख्याध्यापक श्री संजय भांदुगरे यांच्यासह ज्युनिअरचे सर्व शिक्षक विद्यार्थी-विद्यार्थीनी उपस्थित होते. कार्यक्रमाचे सूत्रसंचालन प्रा.स्वप्नील आर्दाळकर, प्रा. प्रियांका जाधव यांनी केले आभार प्रा. जयवंत पाटील यांनी मानले.