चंदगड, ता. १२ : येथील सेंट स्टीफन स्कूलच्या आवारात माजी जिल्हा परिषद सदस्या पुष्पा नेसरीकर यांच्या हस्ते वृक्षारोपण झाले. चंदगड वन विभागाकडून विविध जातींच्या रोपांचा पुरवठा करण्यात आला. वनपाल कृष्णा डेळेकर यांच्या प्रमुख उपस्थितीत झालेल्या कार्यक्रमाच्या अध्यक्षस्थानी संस्थेचे संचालक भास्कर कामत होते.
डेळेकर यांनी विद्यार्थ्यांना वृक्षारोपणाचे महत्त्व सांगितले. अबिना पाटील, सप्रेमा परब या विद्यार्थिनींनी पर्यावरण संवर्धनाबाबत मनोगत व्यक्त केले. निवृत्ती गावडे यांनी पर्यावरणावर आधारित कविता वाचन केले. संचालक
नामदेवराव मांगले, मुख्याध्यापक जोतिबा वांद्रे उपस्थित होते. सुप्रिया नेवगे यांनी सूत्रसंचालन केले. लक्ष्मण कांबळे यांनी आभार मानले.
हलकर्णी : गुरुवर्य गुरुनाथ विठ्ठल पाटील कनिष्ठ महाविद्यालयाच्या वतीने महाविद्यालयाच्या आवारात वृक्षारोपण झाले. एनएसएस विभागाच्या वतीने विविध जातींच्या रोपांची लागवड केली. प्राचार्य डॉ. बी. डी. अजळकर, पी. ए. पाटील, डॉ. अनिल गवळी, प्रा. अंकुश नौकुडकर, प्रा. एन. पी. पाटील, सुजित पाटील, दिलीप पाटील, राजू बागडी यांच्यासह विद्यार्थी उपस्थित होते.
