गडहिंग्लज : जीवनविद्या मिशन ज्ञानसाधना केंद्र, गडहिंग्लज यांच्यातर्फे रविवार दि. १६ जुलै रोजी सकाळी ९.३० ते दुपारी ३.३० वा. या वेळेत स्वयंवर मंगल कार्यालय (मंत्री हॉल), हॉटेल सूर्याजवळ, आजरा रोड, गडहिंग्लज येथे गुरुपौर्णिमा महोत्सवाचे आयोजन केले असून यानिमित्त विविध कार्यक्रम होणार आहेत. यानिमित्त विश्वसंत सद्गुरू श्री वामनराव पै यांचे सत्शिष्य संतोष 'तोत्रे यांचे 'गुरू तेथे ज्ञान' या विषयावर प्रबोधन होणार आहे. कार्यक्रमानंतर अनुग्रह आणि महाप्रसादाचे आयोजन केले आहे. जीवनविद्या मिशनतर्फे संस्कार शिक्षण अभियान, वृक्षारोपण व संवर्धन, कृषी समृद्धी, ग्रामसमृद्धी, विद्यार्थी मार्गदर्शन, अंधश्रद्धा निर्मूलन, अवयव दान, व्यसनमुक्ती अभियान राबविले जाते. कार्यक्रमाचा लाभ घेण्याचे आवाहन जीवनविद्या मिशन आणि उपकेंद्रांतर्फे केले आहे.
