गडहिंग्लज : कै. अर्जुन शिंत्रे यांच्या स्मृतिदिनानिमित्ताने दि. १६ जुलै रोजी सकाळी १० ते दुपारी २ या वेळेत महाआरोग्य शिबीराचे आयोजन सारथी चॅरिटेबल ट्रस्टच्या वतीने केले आहे. शिबीरामध्ये हृदयविकार, हाडांचे विकार मूत्रविकार व कॅन्सर या रोगांची तपासणी व उपचार मोफत करण्यात येणार आहेत. एम.आर.आय., सी.टी. स्कॅन, सोनोग्राफी, युरिन या तपासण्या अत्यल्प दरात करण्यात येणार आहेत. हे शिबीर सारथी चॅरिटेबल ट्रस्ट व अधायु हॉस्पिटल, कोल्हापूर यांच्या संयुक्त विद्यमाने घेण्यात येणार आहे. शिबीर दि. १६ जुलै रोजी सारथी चॅरिटेबल ट्रस्ट, गडहिंग्लज एम.एस.ई.बी. हॉल शेजारी होणार आहे. या शिबीरात अथायु हॉस्पिटल कोल्हापूरमधील तज्ज्ञ डॉक्टर्स उपचार करणार आहेत. या शिबीराचा लाभ घेण्यासाठी नागरिकांनी संपर्क कार्यालयात नाव नोंदणी करावी, असे आवाहन ट्रस्टचे अध्यक्ष प्रा. सुनिल शिंत्रे यांनी केले आहे.