हलकर्णी : हलकर्णी हे पूर्व भागातील मध्यवर्ती केंद्र पंचक्रोशीचे महत्वाचे ठिकाण आहे. रुग्णांना उपचारासाठी याच ठिकाणी यावे लागते. रविवारी गावातील सर्व दवाखाने बंद ठेवले जात होते. त्यामुळे रुग्णांची मोठी गैरसोय होत होती. रुग्णांची गैरसोय होऊ नये यासाठी डॉ. प्रसन्न चौगुले व डॉ. किरण मराठे यांनी दर रविवारी हलकर्णी येथे दवाखाने सुरू केले. त्याबद्दल या दोन्ही डॉक्टरांचा तंटामुक्त समिती उपाध्यक्ष विजय शेरवी, उपसरपंच सलीम यमकनमर्डी, ग्रा. पं. सदस्य सुजित पाटील यांच्या हस्ते सत्कार करण्यात आला. सत्काराबद्दल डॉक्टरांनी कृतज्ञता व्यक्त केली. यावेळी सचिन शेरवी, अरुण शिंगाडी, राहुल शेरवी, अशोक पाटील, शकील पट्टणकुडी, दुंडाप्पा भेंडीगिरी, दिनेश मठपती, आप्पासाहेब पुजेरी, तौफिक कुदरगी, जयपाल वडाळे यांसह ग्रामस्थ उपस्थित होते.