महागाव : येथील संत गजानन महाराज रुरल पॉलिटेक्निकमधील तीन विभागाला व्हेरी गुड श्रेणी जाहीर झाली आहे. राज्य तंत्रशिक्षण मंडळ मुंबईतर्फे शैक्षणिक वर्ष २०२२-२३ साठी केलेल्या शैक्षणिक मूल्यमापनानंतर मेकॅट्रोनिक्स, मेडीकल उपक्रम, प्रकल्प सादरीकरण, लॅबोरेटरी टेक्नोलॉजी व इलेक्ट्रॉनिक्स अँड कॉम्प्युटर इंजिनिअरिंग या विभागाला व्हेरी गुड श्रेणी केल्यामुळे या विभागाला मिळाली आहे.
यापूर्वी सात विभागाला सर्वोत्कृष्ट श्रेणी व कॉलेजला एनबीएचे मानांकन मिळाल्याने पॉलिटेक्निकची शैक्षणिक गुणवत्ता पुन्हा एकदा सिद्ध झाल्याची माहिती प्राचार्य डी. बी.कैस्ती यांनी दिली.
तंत्र शिक्षण मंडळाच्या तज्ज्ञ समितीने एप्रिलमध्ये पॉलिटेक्निकला भेट देऊन तपासणी केली यावेळी येथील भौतिक सुविधा, ग्रंथालय, प्रयोगशाळेची उपलब्धता, शैक्षणिक कामकाज, विद्यार्थ्यांसाठी राबविण्यात येणारे विविध उपक्रम प्रकल्प सादरीकरण प्लेसमेंट याची तपशीलावर माहिती घेतली होती अत्यंत चांगली कामगिरी केल्यामुळे या विभागाला व्हेरी गुड श्रेणी मिळाली आहे. या यशाबद्दल संस्था अध्यक्ष ऍडव्होकेट. आप्पासाहेब चव्हाण विश्वस्थ डॉ. संजय चव्हाण, डॉ. यशवंत चव्हाण, सचिव एडवोकेट बाळासाहेब चव्हाण यांनी सर्व कर्मचाऱ्यांचे अभिनंदन केले. या कामी प्राचार्य डी. बी. केस्ती, उपप्राचार्य आर. एस .पाटील सर्व विभाग प्रमुख शिक्षक, शिक्षकेतर कर्मचाऱ्यांनी परिश्रम घेतले. संत गजानन महाराज रुरल पॉलिटेक्निकल मधील तीन विभागांना वेरी गुड श्रेणी मिळाल्याने अभिनंदन करण्यात येत आहे.