साधना कॉलेजमध्ये गुरुपौर्णिमा उत्साहात साजरी

KolhapurLive

गडहिंग्लज : साधना एज्युकेशन सोसायटी संचलित साधना कॉलेज ऑफ कॉमर्स येथे दि. ३ जुलै रोजी गुरुपौर्णिमा साजरी करण्यात आली. क्रांतिज्योती सावित्रीबाई फुले, पूज्य साने गुरुजी यांच्या प्रतिमा पूजनाने कार्यक्रमाची सुरुवात झाली. प्रमुख पाहुणे म्हणून ओंकार महाविद्यालयाचे प्रभारी प्राचार्य डॉ. सुरेश चव्हाण उपस्थित होते. डॉ. चव्हाण आणि साधनाचे प्राचार्य रफिक पटेल यांनी मार्गदर्शन केले. पाहुण्यांचा परिचय प्रा. अनुपमा घोरपडे यांनी करून दिला. प्रा. भिऊंडगे यांनी प्रास्ताविक केले. सूत्रसंचालन प्रा. अश्विनी पाटील यांनी केले, आभार प्रा. रेश्मा जाधव यांनी मानले. कार्यक्रमास प्रा. पाटील, प्रा. मीनल माळी प्रा. तेजस्विनी रिंगणे यांच्यासह शिक्षक, कर्मचारी, विद्यार्थी उपस्थित होते.