गडहिंग्लज : काही वर्षांपूर्वी गडहिंग्लज शहरात महालक्ष्मी यात्रा कमिटीने लोक वर्गणीतून प्राप्त झालेल्या सीसीटीव्ही कॅमेरे शहरात बसवून पोलीस प्रशासनाला हस्तांतरित केले होते. सीसीटीव्ही कॅमेरा च्या माध्यमातून आपत्कालीन परिस्थितीत शहरातील सर्व ठिकाणी लक्ष ठेवण्यास तसेच मोठ्या गुन्ह्याची उकल करण्यात पुरावा म्हणून उपयोग होत असतो. अशा परिस्थितीत गडहिंग्लज शहरातील बसवण्यात आलेल्या सीसीटीव्ही कॅमेरा कडे तिसरा डोळा म्हणून पाहिले जात होते. त्याचमुळे या उपक्रमाचे संपूर्ण शहरवासीयांकडून कौतुक ही करण्यात आले होते. सदर सीसीटीव्ही कॅमेरा च्या माध्यमातून श्री लक्ष्मी देवीची मोठी यात्रा सुरळीतपणे पार पडली होती. यावेळी त्याचा वापर प्रशासनाला मोठ्या प्रमाणात झाला होता. परंतु आज हेच कॅमेरे बंद असून यातील बरेचसे मोडकळीस आलेले आहेत तर काही ठिकाणी हे कॅमेरे अस्तित्वातही नाहीत असे आमच्या निदर्शनास आले आहे. यात्रा कमिटीने दिलेल्या कॅमेराची कोणत्याही प्रकारची दुरुस्ती अथवा देखभाल पोलीस प्रशासनाकडून झालेली दिसत नाही. यात्रा कमिटीने केलेल्या उपक्रमाची कोणतीच किंमत प्रशासनाला नाही का? असा प्रश्न सर्वसामान्यांना पडलेला असून एखाद्या मोठा गुन्हा घडल्यानंतरच प्रशासनाला जाग येणार का? असा प्रश्न नागरिकांच्यातून उपस्थित होताना दिसत आहे.
नुकतेच सशस्त्र दरोड्याच्या सांगली आणि बालिंगा येथे दोन घडल्या आहेत शिवाय सोशल मिडीयावरील आक्षेपार्ह्य पोस्टमुळे अनेक गावात दंगल सदृश परिस्थिती निर्माण झाली आहे. अशा पार्श्वभूमीवर अशा घटना गडहिंग्लज शहरात देखील घडणार नाहीत याची शाश्वती नक्कीच देता येत नाही. अशा परिस्थितीत सीसीटीव्ही खूप महत्वाची भूमिका बजावू शकतात... व चौका चौकात स्पीकर बसवले आहेत जेणेकरून पोलीस निरीक्षक यांना ऑफिस मध्ये बसून सूचना करता येतील ते सुद्धा नादुरुस्त झाले आहेत त्यामुळे या गोष्टीची तत्काळ दखल घेऊन कार्यवाही व्हावी .
