गडहिंग्लज : डॉ. होमी भाभा विज्ञान केंद्र व टाटा मूलभूत संशोधन केंद्राचे करूण हंबीर यांनी विज्ञानावर आधारित रंजक प्रयोगाच्या माध्यमातून वातावरणाचा दाब, विद्युत धारा, चुंबकीय क्षेत्र, ध्वनीची निर्मिती यासारख्या अवघड संकल्पना विद्यार्थ्यांच्यासमोर सादर करत मार्गदर्शन केले. आरआर ॲकॅडमी आणि मराठी विज्ञान परिषद यांच्या विद्यमाने 'विज्ञान प्रयोग दिग्दर्शन' ही कार्यशाळा पार पडली. यावेळी विविध प्रयोग सादर केले. ॲकॅडमीचे संचालक प्रा. एच. रेड्डी यांच्या हस्ते पाहुण्यांचा सत्कार झाला. मंजिरी देशपाडे यांनी पाहुण्यांची ओळख करून दिली. नाथा रेगडे यांनी आभार मानले.
