गडहिंग्लज, ता. ४ : निलजी (ता. गडहिंग्लज) येथील ग्रामदैवत श्री हनुमान देवाची यात्रा गुरुवार (ता. ६) पासून सोमवारपर्यंत (ता. १०) आहे. यानिमित्त विविध धार्मिक, सांस्कृतिक, स्पर्धा, प्रवचन व महाप्रसाद होणार आहे.
गुरुवारी सकाळी हनुमान जन्मकाळ व अक्कमहादेवी जयंती सोहळा होईल. सकाळी धावणे, श्वान स्पर्धा, सायंकाळी पगडीपट स्पर्धा होतील. शुक्रवारी (ता. ७) नूल मठाचे गुरुसिद्धेश्वर शिवाचार्य महास्वामींच्या मार्गदर्शनाखाली सिद्धेश्वर महास्वामी (खानापूर), गुरुसिद्धेश्वर महास्वामी (हत्तरगी) व प्रवचनकार मारुती शरणरु यांचे प्रवचन व महाप्रसाद होईल. शनिवारी (ता. ८) शृंगार पूजा, पाणी भरणे, सायंकाळी खुल्या रेकॉर्ड डान्स स्पर्धा होतील. रविवारी (ता. ९) ट्रॅक्टर डम्पिंग रिव्हर्स स्पर्धा, श्री ना दंडवत आणि आंबिल आणणे, महाप्रसाद व रात्री आर्केस्ट्राचा कार्यक्रम आहे. सोमवारी (ता. १०) यात्रेचा मुख्य दिवस आहे. पहाटे मूर्तीस अभिषेक व पूजा, महाआरती, गावातून सवाद्य पालखी मिरवणूक होईल. सकाळी हातात बैल घेऊन पळणे, बैल व घोडा गाडी, जनरल घोडागाडी, टांगा गाडी, नवतरंग घोडा गाडी स्पर्धा होईल. यासाठी बक्षिसे आहेत. दुपारी कुस्त्या. व मेंढ्याच्या टक्करी होतील. रात्री ग्रामपंचायतीतर्फे कन्नड मनोरंजनात्मक नाटक आहे.
