आजरा, ता. ४: येथील जनता बँकेला यंदाच्या आर्थिक वर्षात ७ कोटी ७७ लाखांचा नफा झाला आहे. बँकेकडे ३१७ कोटींच्या ठेवी असून २१० कोटी कर्जाचे वाटप केले आहे. बँकेने १२८ कोटींची गुंतवणुक केलेली आहे, अशी माहीती बँकेचे अध्यक्ष मुकुंदराव देसाई यांनी दिली.
बँकेने या आर्थिक वर्षामध्ये ५२६ कोटींचा व्यवसाय केलेला आहे. बँकेचा नेट एन. पी. ए. शून्य टक्के आहे. बँकेच्या १७ पैकी १२ शाखा स्वमालकीच्या इमारतीमध्ये आहेत. मुख्य कार्यकारी अधिकारी एम. बी. पाटील म्हणाले, 'बँकेने प्रधानमंत्री सूक्ष्म अन्नप्रक्रिया उद्योग व अण्णासाहेब आर्थिक विकास मागास व्याज सवलत योजनेतंर्गत तरुण उद्योजकांना कर्ज पुरवठा चालु केलेला आहे.' उपाध्यक्ष महादेव टोपले, संचालक जयवंतराव शिंपी, रणजित देसाई, बाबाजी नाईक, जयवंत कोडक, शशिकांत नार्वेकर, अमित सामंत, शिवाजी पाटील आदी उपस्थित होते.
