चंदगड : तालुक्यातील मराठा समाजाला महामंडळातर्फे कर्ज योजना तसेच शिक्षणासाठी सारथी इत्यादी विषयावर शुक्रवार दि. ७ एप्रिल रोजी सकाळी ११ वाजता देव रवळनाथ मंदिरात मेळाव्याचे आयोजन करण्यात आले आहे.
अण्णासाहेब पाटील महामंडळाचे अध्यक्ष आमदार नरेंद्र पाटील हे चंदगड तालुक्याच्या दौऱ्यावर येत आहेत. महाराष्ट्रातील इतर दौरे रद्द करून खास चंदगड तालुक्यातील विस्कटलेल्या मराठा समाजाला एकसंघ करण्यासाठी तसेच तालुक्यातील मराठा बांधवांना महामंडळातर्फे कर्ज योजना तसेच शिक्षणासाठी सारथी मार्फत विद्यार्थ्यांना शिष्यवृत्ती, वसतीगृह व स्पर्धा परीक्षा सहाय्य, आरक्षण व मराठा समाजाचे पुढचे पाऊल, मराठा संघटन आणि इतर काही सवलती देण्याच्या दृष्टीने त्यांचा दौरा होणार आहे.
संगणकाच्या युगात देशातील मोठमोठ्या कंपन्या, कापड गिरणी, कारखानदारांनी कामगार कपात केली. त्यामुळे बेरोजगारी वाढली. अनेक तरुण शासनाच्या सोयी सुविधा मिळत नसल्यामुळे वाम मार्गाला लागले. नवी पिढी व्यसनांच्या विळख्यात अडकत आहेत. अनेक कुटुंबे बेरोजगारीमुळे उद्ध्वस्त बेरोजगार झाली आहेत. तरुणांच्या आत्महत्या वाढल्या आहेत. शिक्षण असूनही रोजगार मिळत नाही. अशा तरुणांना हक्काचा उद्योग, व्यवसायासाठी कर्जे उपलब्ध करून पायावर स्वतःच्या उभा रहाण्यासाठी अण्णासाहेब पाटील महामंडळाची स्थापना झाली आहे. या माध्यमातून लाखो बेरोजगार तरुणांनी आपल्या हक्काचा उद्योग, व्यवसाय सुरू केला आहे. मेळाव्याला मराठा समाजबांधवांनी मोठ्या संख्येने रवळनाथ मंदिरात उपस्थित रहावे, असे आवाहन मी मराठा चंदगड तालुका मार्फत करण्यात आले आहे.
