विद्या प्रसारक मंडळ संचलित डॉ.घाळी प्रतिष्ठान मार्फत 10 ते 15 वयोगटातील मुला-मुलींच्या व्यक्तिमत्त्व विकासात भर पडण्यासाठी व त्यांच्या विविध कलागुणांना वाव देण्यासाठी हेरे पारगडच्या निसर्गरम्य परिसरात सहा दिवसांचे निवासी व्यक्तिमत्त्व विकास शिबिर आयोजित करण्यात आले होते.
हे शिबिर दिनांक 21/4/2023 रोजी सुरू झाले. उद्घाटनासाठी चंदगड नगरपंचायतीच्या विद्यमान नगराध्यक्षा सौ.प्राची काणेकर व हेरे ग्रामपंचायतीच्या सरपंच उर्मिला गावडे, जागृती हायस्कूलचे प्राचार्य श्री. विजयकुमार चौगुले तसेच देसाई फॉर्म हाऊसच्या सौ.देसाई वहिनी उपस्थित होते.
या शिबिरामध्ये विद्यार्थ्यांना योगा, लाठीकाठी, जिम्नॅस्टिक,रायफल शूटिंग चित्रकला, हस्तकला, कागदकाम मातीकाम,नृत्य-अभिनय, बॉडी लँग्वेज, क्षमता चाचणी, सर्प दर्शन,आकाशदर्शन यासारख्या उपक्रमाबरोबर काही साहसी खेळ देखील घेण्यात आले. त्यामध्ये व्हॅली क्रॉसिंग, ट्रेकिंग असे विविध उपक्रम घेवुन मुलांना मार्गदर्शन करण्यात आले.
शिबिराच्या समारोपासाठी संस्थेचे अध्यक्ष मा.डॉ.सतिश घाळी , अॅड.आप्पासाहेब देसाई व अक्कमहादेवी महिला मंडळ, कोल्हापूरचे सदस्य उपस्थित होते.
हे शिबीर उत्साहात संपन्न झाले.हे शिबिर यशस्वी करण्यासाठी शिबीर प्रमुख श्री.सचिन मगदूम, प्रवीण पाटील, सुहास पुजारी, संपत सावंत, शिवाजी पाटील, संतोष देसाई, बी.जी.कुंभार, दत्ता लोहार, अमित हिरेमठ,योगगुरु श्री.शंकर खाडे,जी. ए.खंदारे,विकास अतिग्रे, दयानंद ग्वाडी, सौ.जी.आर.पाटील, सौ.व्ही.आर. रेपाळ,भरत पाटील, केंपांना गुडशी,शिवा हळीज्वाळे यांनी परिश्रम घेतले.
