गडहिंग्लज : येथील डॉ. घाळी कॉलेजमध्ये नुकताच वार्षिक क्रीडा महोत्सव उत्साहात पार पडले. या महोत्सवाला विद्यार्थ्यांचा प्रतिसाद लाभला. विद्यार्थ्यांमध्ये खेळाची आवड निर्माण व्हावी व त्यांच्यातील खिलाडीवृत्तीला चालना मिळावी यासाठी या स्पर्धा आयोजित करण्या आल्या होत्या. क्रीडा महोत्सवाचे उद्घाटन संस्थेचे संचालक किशोर हंजी, गजेंद्र बंदी यांच्या हस्ते करण्यात आले. या क्रीडा महोत्सावाम खो-खो, कबड्डी, गोळा फेक, धावणे, कॅरम, बुद्धिबळ आदी क्रिडा प्रकाराचा समावेश होता. याबरोबर ऑलिम्पिक स्पर्धा, योगा विषयाव पोस्टर प्रदर्शन भरविण्यात आले. याचे उद्घाटन प्राचार्य डॉ. मंगलकुमार पाटील यांच्या हस्ते करण्यात आले. स्पर्धेतील पंच म्हणून प्रा. दयानंद गवांडी, व्ही. बी. हरकारे, बी. व्ही. खरात, प्रतिक्षा पिसे यांनी काम पाहिले. स्पर्धा पार पाडण्यासाठी प्रा. अनिल उंदरे, प्रा. विकास अतिग्रे. प्रा. अनिल मगर, डॉ. राजाराम सावंत, डॉ. दत्तात्रय वाघमारे, प्रा. जयश्री पोरे, प्रा. सरोज बिडकर, प्रा. ओंकार खतकल्ले आदींनी मेहनत घेतली.