गडहिंग्लज : भडगाव येथे सोमवारपासून दि. ३ एप्रिल भडगाव फुटबॉल लिग (बीएफएल) स्पर्धेचे आयोजन केले आहे. स्पर्धेत आठ संघातून ८८ फुटबॉलपटू सहभागी झाले आहेत. भडगाव केंद्रशाळेसमोरील क्रीडांगणावर ही स्पर्धा होणार आहे.
स्थानिक खेळाडूंना प्रोत्साहन मिळावे यासाठी गतवर्षापासून गडहिंग्लज युनायटेड फुटबॉल असोसिएशनच्या मार्गदर्शनाने ही स्पर्धा होत आहे. स्पर्धेत आठ संघ सहभागी झाले आहेत. साखळी पद्धतीने गटाअंतर्गत ही स्पर्धा होईल. गटातील
दोन अव्वल संघ उपांत्य फेरीसाठी पात्र ठरतील. स्पर्धेतील विजेत्याला ११ हजार, उपविजेत्याला ७ हजार, तृतीय क्रमांकाल ५ हजार, चौथ्या क्रमांकाला ३ हजारांचे बक्षीस आहे. स्पर्धेतील सर्वोत्कृष्ट गोलरक्षक, बचावपटू मध्यरक्षक, आघाडीपटू युवा प्रतिभावान खेळाडूसह स्पर्धावीर ही वैयक्तीक बक्षिसेही देण्यात येणार आहेत. विजयी संघातील उत्कृष्ट खेळाडूस सामनावीर, तर पराभूत संघातील खेळाडूस लढवय्या म्हणून गौरविण्यात येईल. रोज सायंकाळी दोन सामने होणार आहेत. शनिवारी . ८ एप्रिल रोजी उपांत्य फेरीचे सामने, तर रविवारी दि. ९ एप्रिल रोजी तिसऱ्या क्रमाकांचा सामना होणार आहे.
