गडहिंग्लज शहर आणि प्रभाग आठच्या धोरणात्मक विकासासाठी मंत्री हसन मुश्रीफ यांच्या यांच्या नेतृत्वाखाली तयार करण्यात आलेल्या राष्ट्रवादी पॅनेलच्या सर्व उमेदवारांना पसंती मिळत आहे. घरोघरी शासकीय योजना राबवण्याबरोबर पायाभूत सुविधा देण्यासाठी शहरात राष्ट्रवादी भक्कम प्रचार करीत यात महिलांचा उत्स्फूर्त सहभाग दिसून येत आहे.
प्रभाग आठ मध्ये घर टू घर काढलेल्या प्रचार फेरीत राष्ट्रवादीच्या उमेदवारांची उत्साही स्वागत करण्यात येत होते. तर काही ठिकाणी औक्षण करून विजयाची खात्री देण्यात येत होती. प्रभाग फेरीत केलेली विकास कामे आणि रखडलेले रस्त्याचे काम, घरकुल बांधण्याची कामे, बाग सुशोभीकरण, सांडपाणी व्यवस्थापन, गटारी आणि नव्या वसाहतीत पायाभूत सुविधा देण्यासाठी आम्ही कटिबद्ध असून मंत्री मुश्रीफ यांच्या मार्गदर्शनाखाली सर्व कामे पूर्ण करणार असल्याचा विश्वास व्यक्त करत मतदारांच्याकडून आशीर्वाद घेत होते. भीमनगर येथून काढलेली प्रचार फेरी भीमनगर कमान, संकेश्वर रोड, दुंडगा मार्ग, योद्धा ग्रुप परिसर, भोई वसाहतीत मतदारांचा उत्स्फूर्त प्रतिसाद पाहायला मिळाला. या प्रचार करीत माजी नगरसेवक हारून सय्यद, माजी नगरसेविका रेश्मा कांबळे, संतोष कांबळे श्रीवास्तव म्हेत्री, संतोष सलवादे, पंकज संकपाळ, पृथ्वीराज बारामती, दीपक कांबळे, नामदेव बारामती, सुनील पकाले, शिवराज कोरे, राजू सलवादे, प्रवीण कांबळे,तेजस्विनी हुल्ले, सीमा कांबळे, सुजाता गुंठे, नीता लोंढे, प्रियांका सलवादे, सुरेखा चिनापगोळ, महादेवी आयवाळे, वैशाली कांबळे, गीता हुलसार, शीला चावडे मतदार सहभागी झाले होते.
चौकट
वाढता पाठिंबा हीच विजयाची खात्री
शहरासह प्रभाग आठ मध्ये मंत्री मुश्रीफ यांच्या माध्यमातून झालेल्या विकास कामावरच प्रचार सभेतून विविध सामाजिक मंडळी, सुज्ञ मतदार संघटना यांच्याकडून पाठिंबा मिळत आहे. यामुळे राष्ट्रवादीचे नगराध्यक्ष पदाचे उमेदवार महेश तुरबतमठ यांच्यासह नगरसेवकाच्या सर्व उमेदवारांना चांगला प्रतिसाद मिळत असून प्रभाग आठ मध्ये विजयाची खात्री होत असल्याची भावना उमेदवार महेश सलवादे आणि शबनम सय्यद यांनी व्यक्त केली.
गडहिंग्लज - प्रभाग आठ मधील प्रचार फेरीत सहभागी झालेले उमेदवार महेश सलवादे, शबनम सय्यद यांच्यासह इतर मतदार.
======