गडहिंग्लज : येथील केदार रेडेकर आयुर्वेदिक महाविद्यालयाचा २३ वा वर्धापनदिन उत्साहात साजरा करण्यात आला. सुरुवातीस कै. केदारी रेडेकर यांच्या प्रतिमेचे पूजन करण्यात आले. संस्थेच्या अध्यक्ष अंजना रेडेकर, उपाध्यक्ष अनिरुद्ध रेडेकर, संचालिका अरुणा रेडेकर- सावंत, डॉ. सुधीर येसणे यांची प्रमुख उपस्थिती होती. स्वागत प्राचार्य डॉ. विना कंठी यांनी केले. प्रमुख मान्यवरांच्या उपस्थितीत केक कापण्यात आला. यावेळी प्रा. नवनाथ शिंदे यांनी संत गाडगेबाबा यांच्या एकपात्री प्रयोग सादर करण्यात आला. वर्षभरात विविध स्पर्धात यश संपादन केलेल्या विद्यार्थ्यांचा सत्कार करण्यात आला. विद्यार्थी मंडळावर निवड झालेल्या विद्यार्थ्यांचे देखील यावेळी गौरव करण्यात आला.यावेळी डॉ. पंकज विश्वकर्मा, डॉ.अमोल जाधव यांचे देखील सत्कार करण्यात आला. कार्यक्रमास डॉ. सोनाली शुक्ल, डॉ. शितल कदम यांच्यासह विद्यार्थी उपस्थित होते.
