शिवसेना कोणाची प्रायव्हेट पॉपर्टी नसेल तर…”; आदित्य ठाकरेंनी मुख्यमंत्री शिंदेंना ‘प्रायव्हेट लिमिटेड कंपनी’ टीकेवरुन दिलं ‘चॅलेंज’

“शिवसेना कोणाची प्रायव्हेट पॉपर्टी नसेल तर…”; आदित्य ठाकरेंनी मुख्यमंत्री शिंदेंना ‘प्रायव्हेट लिमिटेड कंपनी’ टीकेवरुन दिलं ‘चॅलेंज’

एका मुलाखतीमध्ये बोलताना आदित्य ठाकरेंनी दिलं उत्तर

शिवसेना या पक्षावर दावा सांगण्याच्या मुद्द्यावरुन मुख्यमंत्री एकनाथ शिंदेंच्या नेतृत्वाखालील शिंदे गट आणि उद्धव ठाकरेंच्या नेतृत्वाखालील गटामध्ये न्यायालयीन लढाई सुरु आहे. वेगवेगळ्या मुद्द्यांच्या आधारे विविध याचिका दाखल करण्यात आल्या असून याची एकत्रित सुनावणी सर्वोच्च न्यायालयामधील पाच सदस्यीय घटनापिठासमोर सुरु आहे. अशातच राज्यामधील वेगवेगळ्या बैठकी, सभा आणि कार्यक्रमांमध्ये दोन्ही गटांकडून पक्षावर दावा सांगितला जात आहे. मुख्यमंत्री शिंदेंही अनेकदा ‘शिवसेना ही काही प्रायव्हेट लिमिटेड कंपनी नाही’ असं म्हणाले आहेत. याच टीकेला आता युवासेनेचे नेते आदित्य ठाकरे यांनी एका खासगी वृत्तवाहिनीला दिलेल्या मुलाखतीत उत्तर दिलं आहे.

आदित्य ठाकरेंनी शिवसेनेवर हक्क सांगणाऱ्या शिंदे गटाला थेट आव्हान दिलं आहे. शिवसेना ही खासगी मालकीची संस्था नाही असं विधान करणाऱ्या मुख्यमंत्र्यांना आदित्य ठाकरेंनी एक आव्हान दिलं आहे. “शिवसेना काय प्रायव्हेट लिमिटेड कंपनी नाही. बाळासाहेबांचे विचार म्हणजे ठाकरे कुटुंबाची जहागीर नाही असं शिंदे म्हणतात. सोन्याचा चमचा घेऊन जो माणूस जन्माला आला नाही तो सुद्धा मुख्यमंत्री होऊ शकतो, पक्षाचा अध्यक्ष होऊ शकतो असंही ते म्हणाले होते. मुळात प्रचार असा सुरु आहे की शिवसेना शिवसैनिकांची आहे. बाळासाहेबही असं म्हणायचे. शिवसैनिकांचा शिवसेनेवर दावा आहे. फक्त ठाकरे परिवार त्यावर आपला दावा सांगू शकत नाही. बाकी लोकही दावा सांगू शकतात, असा प्रचार शिंदेंकडून केला जातोय. त्याला तुम्ही कसं उत्तर देणार. हे म्हणत आहेत की खरे शिवसैनिक आमच्यासोबत आहेत. ज्या शिवसैनिकांना काँग्रेसबरोबर युती करायची नव्हती ते आमच्यासोबत असल्याचा दावा शिंदे गटाकडून केला जातोय. असं म्हणत ‘मुंबई तक’च्या मुलाखतीमध्ये शिंदेंच्या दाव्यासंदर्भात प्रश्न विचारण्यात आला.

शिवसेना प्रायव्हेट पॉपर्टी असल्याच्या दाव्यावरील प्रश्नावर आदित्य यांनी पहिली प्रतिक्रिया देताना, “हे हस्यास्पद आहे. अडीच वर्ष जे काही करायचं त्यांनी करुन घेतलं. जेव्हा क्षमता आली स्वत:मध्ये की आपण दुसऱ्यांना खोक्याने विकत घेऊ शकतो. तेव्हा त्यांनी जी गद्दारी करायची होती ती केली,” असं म्हटलं आहे.

🤩 💯% *Job Guarantee for Campus Placement*

🏫SPaRK Computer Institute (Total It Solution) AN ISO 9001:2015 CERTIFIED INSTITUTE

Batch 2022. BE|BTECH|MTECH|BSC|MSC|BCA|MCA|DIPLOMA|DEGREE|ALL TRADE.

Admission Open for Offline & Online Batches.

👍 अधिक माहितीसाठी आम्हाला कॉल किंवा व्हॉट्सअ‍ॅप करा.

📱 *संपर्क* : 9975491519 | 9767007394 |

📍 *पत्ता* : 5/328, कागवाडे मळा, डॉ. अमर कुलकर्णी हॉस्पिटल समोर , इचलकरंजी - 416115.