गडहिंग्लज : येथील शिवराज कॉलेज ऑफ फार्मसीच्या बी. फार्मसीच्या अंतिम वर्षाच्या विद्यार्थ्यांनी सिप्ला लिमिटेड, मडगांव, गोवा या औषध कंपनीस अभ्यास भेट दिली. या भेटीमध्ये सिप्ला लिमिटेड या कंपनीमध्ये औषध उत्पादन कसे केले जाते व क्वालिटी टेस्टिंग याबाबत सविस्तर पाहणी करून माहिती घेण्यात आली. सिप्ला लिमिटेड, गोवा' या कंपनीचे क्वालिटी अशुरन्सचे सिनिअर मॅनेजर श्री चंद्रकांत शिंत्रे आणि एच. आर. मॅनेजर श्रीमती टीनिटा रॉड्रीक्स, यांच्या विशेष सहकार्यातून या भेटीमध्ये विद्यार्थ्यांना सविस्तर मार्गदर्शन करण्यात आले. विद्यार्थ्यांना प्रत्यक्ष प्रात्यक्षिक अनुभव मिळावा आणि त्याचा उपयोग नोकरीसाठी व्हावा या उद्देशाने सदर अभ्यास भेटीचे आयोजन केले. यासाठी शिवराज विद्या संकुलाचे अध्यक्ष प्रा. किसनराव कुराडे, सचिव डॉ. अनिलराव कुराडे, उपाध्यक्ष अॅड. दिग्विजय कुराडे यांचे प्रोत्साहन लाभले तसेच फार्मसीचे प्राचार्य डॉ. राहुल जाधव, ट्रेनिंग आणि प्लेसमेंट विभाग प्रमुख प्रा.शिवराज सडेकर यांच्या मार्गदर्शनाखाली व प्रा. नरेंद्र कोरे, प्रा. वैष्णवी हिरेमठ यांच्या सहभागातून ही अभ्यास सहल यशस्वी झाली.