शिवराजमध्ये ‘अॅनिमेशनमध्ये करिअरच्या संधी’ या विषयावर व्याख्यान संपन्न

KolhapurLive

गडहिंग्लज :येथील शिवराज महाविद्यालयात बी.एस्सी.अॅनिमेशन विभागाच्यावतीने ‘अॅनिमेशनमध्ये करिअरच्या संधी’ या विषयावर व्याख्यान संपन्न झाले. या कार्यक्रमाच्या अध्यक्षस्थानी शिवराज विद्या संकुलाच्या संचालिका प्रा.सौ.बिनादेवी कुराडे होत्या. प्रारंभी स्वागत व प्रास्ताविक अॅनिमेशन विभाग प्रमुख प्रा.बी.एस.पठाण यांनी केले. अॅपटेकचे रिजन प्रमुख श्री सचिन भारतवाल यांनी ‘अॅनिमेशनमध्ये करिअरच्या संधी’ या विषयावर मार्गदर्शन करताना ‘अॅनिमेशनमध्ये देश-विदेशात विद्यार्थ्यांना करिअरच्या खूप संधी आहेत. अॅनिमेशन हे क्षेत्र आता गतीने जगभर पसरले आहे. या क्षेत्राचा ग्राफिक्स डिझाईन, गेमिंग, टू -डी/ थ्री-डी, व्ही.एफ.एक्स, व्हरच्युअल रियॅलीटी, अॅनालिटीक्स मिडिया या विषयावर सविस्तर मार्गदर्शन केले. शिवराज विद्या संकुलाच्या संचालिका प्रा.सौ.बिनादेवी कुराडे यांनी आपल्या मार्गदर्शनामध्ये शिवराज विद्या संकुलामध्ये विद्यार्थ्यांना बी.एस्सी.अॅनिमेशन अभ्यासक्रम उपलब्ध करून देण्यात आला आहे. त्याचा लाभ विद्यार्थ्यांनी घेणे आवश्यक आहे. आज जगभर पसरलेल्या अॅनिमेशनने अनेक संधी उपलब्ध करून दिलेल्या आहेत. विद्यार्थ्यांनी त्या संधीचा पुरेपूर लाभ घेणे गरजेचे आहे असे त्यांनी आवाहन केले. या कार्यक्रमास अरिना अॅनिमेशन, कोल्हापूरच्या संचालिका स्नेहा किल्लेदार, प्रा.के.एस.देसाई, प्रा.ओंकार पाटील व सर्व विद्यार्थी उपस्थित होते.