चिल्ड्रन डे सप्ताह निमित्य एटी फाउंडेशन या स्वंस्थेने विविध गावातील नवोदित गर्ल्स खेळाडूंसाठी गिजवणे हायस्कूल ग्राऊंड वर फुटबॉल मॅचेस चे आयोजन केले होते. या फुटबॉल फेस्टिवल मधे लिंगनूर, कडाल, धामणे, बेकनाळ, कडगाव या गावातील ४२ मुलींनी भाग घेतला.
तळागाळातील मुलींपर्यंत फुटबॉल पोहचवण्याचे काम एटी फाऊंडेशन सतत करत आहे व त्यासाठी अश्या विविध प्रकारच्या ऍक्टिविटीज एटी फाउंडेशन च्या संस्थापिका, माजी फुटबॉल खेळाडू व आंतरराष्ट्रीय प्रशिक्षक, अंजू तुरंबेकर यांच्या मार्गदर्शनाखाली आयोजित केल्या जातात.
एटीएफ चे फुटबॉल प्रशिक्षक शैलेश यांनी फेस्टिवल चे आयोजन केले तर एटीएफ च्या विविध गावातील लीडर्स अक्षय पावले, वैभवी पाटील , सानिका रेडेकर, सिद्धी भोसले,ज्ञानेश्वरी मगदूम, श्रुती दिवेंडेकर यांनी मदतीचा हाथ दिला.
फुटबॉल फेस्टिवल च्या उद्घाटनासाठी गिजवणे हायस्कूल चे मुख्याध्यापक श्री डी के परेड, क्रिडाशिक्षक व एटी फाउंडेशन बोर्ड मेंबर श्री अनिल पाटील व सामाजिक कार्यकर्ते श्री आनंदा माने उपस्थित होते. सर्व मुलींना सांगता समारंभाच्या वेळी पार्टिसिपेशन सर्टिफेट व पाणी पिण्यासाठी बॉटल्स देण्यात आल्या.