गडहिंग्लज : येथील शिवराज कॉलेज ऑफ फार्मसीमध्ये आयोजित 'फार्मासुटीकल इंडस्ट्रीयल तज्ञांचे विद्यार्थ्यांना मार्गदर्शन कार्यक्रम संपन्न झाला. या कार्यक्रमाच्या अध्यक्षस्थानी प्राचार्य डॉ. राहुल जाधव होते. प्रारंभी ट्रेनिंग आणि प्लेसमेंटविभाग प्रमुख प्रा. शिवराज सडेकर यांनी स्वागत केले. प्राचार्य डॉ. राहुल जाधव यांनी या उपक्रमाच्या आयोजनाचा मुख्य हेतू सांगून शिक्षण आणि फार्मा इंडस्ट्री यांच्यात समन्वय साधण्यासाठी या सारखे उपक्रम घेऊन आमच्या फार्मसीच्या विद्यार्थ्यांना करिअरच्या संधीबाबत सविस्तर मार्गदर्शन व्हावे म्हणून असे कार्यक्रम घेणे क्रमप्राप्त ठरत असल्याचे त्यांनी सांगितले.
या कार्यशाळेमध्ये प्रमुख वक्ते सिप्ला लिमिटेड मुंबईचे क्वालिटी अशुरन्सचे सिनिअर मॅनेजर श्री चंद्रकांत शिंत्रे यांनी आपल्या मार्गदर्शनामध्ये 'क्वालिटी अशुरन्स व क्वालिटी कंट्रोल' हे फार्मासुटीकल मध्ये महत्वाचा विभाग असून या विभागाचे कार्य कसे चालते. त्यामध्ये 'फार्मासिस्ट' म्हणून आपल्याला काय करावे लागेल याबाबत त्यांनी सविस्तर मार्गदर्शन केले तसेच या क्षेत्रातील करिअरमध्ये खूप संधी असल्याचे त्यांनी सांगितले.
सनोफी लिमिटेड हैद्राबादचे उत्पादन विभागाचे मॅनेजर श्री गणेश नाझरे यांनी या क्षेत्रात औषधांची निर्मिती कशी होते. उत्पादन विभागामध्ये 'फार्मासिस्ट' म्हणून आपले कार्य काय राहील याबाबत त्यांनी मार्गदर्शन केले. व फार्मसीच्या विद्यार्थ्यांना करिअर करण्यासाठी आवश्यक असे मार्गदर्शन त्यांनी केले. यावेळी सर्व प्राध्यापक व शिक्षकेत्तर कर्मचारी, बी. फार्मसी व डी फार्मसीच्या शेवटच्या वर्षातील सर्व विद्यार्थी-विद्यार्थिनी उपस्थित होते. या कार्यक्रमाचे आयोजन प्रा. शिवराज सडेकर व प्रा. मनीषा जाधव यांनी केले.