उपमुख्यमंत्री अजितदादा पवार यांच्या वाढदिवसानिमित्त आदर्श मातांना व कर्तृत्ववान महिलांना मातोश्री शारदाई पुरस्कार वितरण संपन्न
पंढरपूर- महायुती म्हणूनच आपणाला निवडणूकीला सामोरे जायचे आहे असे असले तरी संघटनात्मक कामांमध्ये कुठेही कमतरता येवू नये हे उद्दिष्ट ठेवून तुम्ही काम करत आहात. आज आयपीएस, आयएएस असतील किंवा वेगवेगळ्या क्षेत्रात काम करणाऱ्यांना शारदाई पुरस्कार देवून आपण सन्मानित करीत आहात यामध्ये काही पुरूष अधिकारी आहेत व महिला अधिकारी देखील आहेत आणि या पुरस्कारामागचे उद्दिष्ट आहे की आपल्या तालुक्यातून लगतच्या तालुक्यातून जितके कर्तृत्ववान व्यक्ती आहेत त्यांना आपण पुरस्काराच्या माध्यमातून सन्मानित करीत असतो.ज्यांच्या नावाने आपण पुरस्कार ठेवलेला आहे त्यांनी सामाजिक कार्यामध्ये 1950 ते 1970 च्या दशकापर्यंत उल्लेखनीय कार्य आहे त्या आदरणीय पवार साहेबांच्या मातोश्री शारदाई व अजितदादांच्या आजी त्या त्यांनी सरपंच म्हणून काम केले वेगवेगळ्या पदांवर त्यांनी काम केले अगदी एसटीने प्रवास करून त्या आपले काम व आपली जबाबदारी पार पाडत होत्या आज महिलांना 50 टक्के आरक्षण आहे पण त्या काळात सरपंच म्हणून काम करीत होत्या त्या आपल्या सर्वांसाठी प्रेरणादायी आहेत त्यामुळे पुढच्या काळात तुमच्या पैकी कुणाला जर अशी संधी मिळाली तर तुम्ही उल्लेखनीय काम कराल अशी अपेक्षा व्यक्त केली. पंढरपुरात आपल्या राष्ट्रवादी कॉंग्रेस पक्षाचा आमदार नसला तरी श्रीकांत शिंदे यांच्यासारख्या निष्ठावंत कार्यकर्त्याच्या जीवावर आज पक्ष मजबुत आहे असे प्रतिपादन राज्याचे महिला व बाल कल्याण विभागाच्या मंत्री ना.अदिती तटकरे यांनी केले.
पंढरपूर येथे राष्ट्रवादी कॉंग्रेस पक्षाचे राष्ट्रीय अध्यक्ष महाराष्ट्र राज्याचे लाडके उपमुख्यमंत्री मा.ना.अजितदादा पवार यांच्या वाढदिवसानिमित्त आदर्श माता व कर्तृत्ववान महिलांचा सन्मान मातोश्री शारदाई पुरस्कार 2024 व गरजू शालेय मुलींना सायकल वाटप राज्याच्या महिला व बालविकास मंत्री मा.ना.अदिती तटकरे यांच्याहस्ते गुरूवार दि.5 सप्टेंबर 2024 रोजी श्रीराम मंगल कार्यालय इसबावी पंढरपूर येथे संपन्न झाला. सदरचा कार्यक्रम राष्ट्रवादी युवक कॉंग्रेसचे प्रदेश सरचिटणीस श्रीकांत शिंदे यांनी आयोजित केला होता.
यावर्षीचे पुरस्कार आदर्श माता श्रीमती मंगलताई भीमराव महाडिक (खा.धनंजय महाडिक मातोश्री), श्रीमती मालनबाई वसंतराव काळे (चेअरमन कल्याणराव काळे यांच्या मातोश्री), सौ शोभाताई शिवाजीराव काळुंगे (मुख्य कार्यकारी अधिकारी राजलक्ष्मी गायकवाड यांच्या मातोश्री), श्रीमती सुशीलाताई हरिभाऊ अक्कलकोटे (बार्शीचे नगरसेवक नागेगश अक्कलकोटे यांच्या मातोश्री), मुमताज रशीद शेख (महाराष्ट्र केसरी पै.सिकंदर शेख यांच्या मातोश्री), सौ ललिता लक्ष्मण चव्हाण (आय.ए.एस.राहुल चव्हाण यांच्या मातोश्री), श्रीमती सुलोचना मल्हारी मोकाशी (प्रसिध्द बाधंकाम व्यावसायिक चंद्रशेखर मोकाशी यांच्या मातोश्री) यांना यावर्षीचे शारदाई पुरस्कार प्रदान करण्यात आले.
या कार्यक्रमास राष्ट्रवादीचे युवक प्रदेशाध्यक्ष सुरज चव्हाण, प्रशांत कदम, प्रवक्ते उमेश दादा पाटील, समाधान काळे, अरुण कोळी, अनिल अभंगराव, गणेश अधटराव, वर्षा शिंदे, उज्वला पाटील, माजी नगरसेवक मोहमद उस्ताद, महेश कुलकर्णी, अभिषेक आव्हाड, अक्षय भांड, हरिदास रणदिवे , सायरा शेख, संगीता जोगधनकर , चित्रा कदम , किरण माशालकर, साधना राऊत, अमोल परबतराव, सूरज पेंडाल, सुदर्शन कादे, प्रदीप तांडेल, दत्तात्रय कांबळे व विजय अभंगराव उपस्थित होते.
राष्ट्रवादी युवक कॉंग्रेसचे प्रदेश सरचिटणीस श्रीकांत शिंदे म्हणाले की, गेली 4 वर्ष सोलापूर जिल्ह्यातील कर्तृत्ववान महिलांना शारदाई पुरस्कार आणि ज्या मुली लांब पल्ल्यावरून येतात त्यांना सायकल वाटप करण्यात येते. पवार कुटूंबावर कायमच निष्ठा ठेवून काम करीत असताना कोणतीही संस्था नाही, पद नसतानाही अजितदादा यांच्यासारखा नेता माझ्यापाठीशी उभा राहतो कारण निष्ठेचे उदाहरण सोलापूर जिल्ह्यात बघायचे झाले किंवा पंढरपूरात बघायचे झाले तर अजितदादांचा कार्यकर्ता म्हणून अनेकजण पाहतात. पुरस्कार देण्याचा हेतू म्हणजे ज्या शारदाईंनी शरदचंद्र पवार साहेबांसारखा जाणता राजा घडविला त्याच शारदाई यांच्या नावे हा पुरस्कार देताना मला अभिमान वाटतो पवार कुटूंबावर कायमच प्रेम करत असताना पवार कुटूंबाचे नाव पाठीमागे असताना जी कामाची ओळख व आणि निष्ठेला किंमत देण्याचे अजितदादांनी कायमच माझ्यावर पाठीवर थाप देण्याचे काम केले असे श्रीकांत शिंदे यांनी सांगितले.
राष्ट्रवादीचे प्रदेश प्रवक्ते उमेश पाटील म्हणाले की, महिला व बालकल्याण खात्याच्या मंत्री ना.अदिती तटकरे यांच्या नेतृत्वाखाली असलेल्या खात्याकडून मुख्यमंत्री माझी लाडकी बहीण योजनेची प्रक्रिया झाली आणि ती सुलभ केली संपूर्ण यंत्रणेला काम करून घेण्याचे कसब म्हणजे त्यांच्या मंत्री पदाच्याच कारकिर्दीतील नव्हे तर महाराष्ट्राच्या इतिहासातील एक ऐतिहासिक योजना अदितीताई यांच्या खात्याने लागू केली आदरणीय अजितदादांनी यासाठी पुढाकार घेतला केवळ मुख्यमंत्री लाडकी बहीण योजनाच नव्हे तर वर्षातून 3 सिलेंडर मोफत देण्याचा निर्णय असेल किंवा मुलींसाठी पहिली ते डिग्रीपर्यंत मोफत शिक्षण देण्याचा महत्वाचा निर्णय अजितदादांमुळे या सरकारच्या माध्यमातून झाला असल्याचे उमेश पाटील यांनी सांगितले.
राष्ट्रवादी युवकचे प्रदेशाध्यक्ष सुरज चव्हाण म्हणाले की, मी अनेक वर्ष झाले श्रीकांत शिंदे यांचे कार्यक्रम पाहत आलेलो आहे. शारदाई पुरस्काराच्या निमित्ताने तुम्ही छोटीशी सुरूवात केली होती आणि त्या रोपट्याचे रूपांतर आज झाडात होत असल्याचे पाहत आहे. खरं तर ज्या नेतृत्वाच्या नेतृत्वात आपण काम करीत असतो त्या नेतृत्वाने आपणाला शिकवण दिली आहे 80 टक्के समाजकारण व 20 राजकारण आणि त्या शिकवणीवर तुम्ही खरे उतरला आहात. आज ग्रामीण भागातील मुली शिक्षणाकरिता शहरात याव्यात आणि शिक्षणासाठी येत असताना त्यांना कोणतीही अडचण होवू नये यासाठी यासाठी तुम्ही ज्या छोट्या मुलींसाठी सायकल वाटपाचा कार्यक्रम ठेवला आहे आपल्या नेतृत्वाने सांगितले आहे की समाजातील शेवटच्या घटकाचा विकास झाले पाहिजे यासाठी शिक्षणाशिवाय पर्याय नाही असे सुरज चव्हाण यांनी सांगितले.
सदरचा कार्यक्रम यशस्वी करण्यासाठी सूरज राठी, निखिल नेहतराव ,अभिनव शिंदे,शुभम पवार,अनिकेत नेहतराव यांनी परिश्रम घेतले.