गडहिंग्लज : येथील शिवराज महाविद्यालयाच्या राज्यशास्त्र विभाग आणि जिल्हा न्यायालय वर्ग १ तथा तालुका विधी सेवा समिती यांच्या संयुक्त विद्यमाने अॅक्टीव्ह लर्निंग उपक्रमा अंतर्गत कायदेविषयक साक्षरता शिबीर आणि न्यायालयीन रचना आणि कार्य यासंदर्भात अभ्यास भेट संपन्न झाली. अध्यक्षस्थानी महाविद्यालयाचे प्राचार्य डॉ. एस. एम. कदम होते. या अभ्यास भेटी अंतर्गत सौ. डी.एम. पोवार (सह दिवाणी न्यायाधीश कनिष्ठ स्तर तथा न्याय दंडाधिकारी प्रथम वर्ग), तालुका विधी सेवा समितीच्या अॅड.सौ.एम. एम. बिदे यांनी अँटी रॅगिंग कायदे तरतूदी आणि उपाय याविषयी मार्गदर्शन केले. श्री विनोद भिलारे यांनी न्यायालय रचना व कार्य अशी माहिती दिली. डॉ.एस.एम.कदम यांनी आपल्या मार्गदर्शनात राज्यशास्त्र विभागाचे कौतुक करून नवीन शैक्षणिक धोरण अंतर्गत अशाच पद्धतीने शिक्षण देणे अपेक्षित आहे. थेअरी आणि प्रॅक्टिस अशा पध्दतीचे शिक्षण गरजेचे असल्याचे त्यांनी सांगितले. या अभ्यासा-अंतर्गत जिल्हा न्यायालय वर्ग । तथा तालुका विधी न्यायालय रचना व कार्य याची प्रत्यक्षात पाहणी व माहिती देण्यात आली. अॅड. शीतल साळवी, अॅड. आंबी आदी उपस्थित होते. यावेळी शिवराज विद्या संकुलाचे सचिव डॉ. अनिलराव कुराडे यांनी या उपक्रमाबद्दल समाधान व्यक्त करून भविष्यात ऍक्टिव्ह लर्निंग अंतर्गत ग्रामपंचायत, पंचायत समिती, जिल्हा परिषद आणि महाराष्ट्र विधिमंडळ या अभ्यास सहली आयोजित करण्यासंदर्भात सहकार्य करण्याचे आश्वासन दिले. या अभ्यास भेटीमध्ये मनोज ठाकूर, रविना करमे, निमेश देवार्डे, सानिया शेख, रेवती पोवार, श्रावणी पाटील, प्रणाली सोलापुरे, स्नेहल कोल्हापुरे, सलोनी किल्लेदार यासह 29 विद्यार्थी-विद्यार्थिनींनी सहभागी होते. या अभ्यास भेटीचे नियोजन करण्यासाठी शिवराज विद्या संकुलाचे सचिव डॉ. अनिलराव कुराडे, उपाध्यक्ष अॅड. दिग्विजय कुराडे, संचालिका प्रा. सौ. बिनादेवी कुराडे यांचे मौलिक असे मार्गदर्शन लाभले. या उपक्रमाचे नियोजन डॉ. अण्णासाहेब हारदारे, प्रा. विक्रम शिंदे यांनी केले होते.