गडहिंग्लज : कागल विधानसभा राष्ट्रवादी कॉंग्रेस व आमदार हसन मुश्रीफ फाऊंडेशनमार्फत गणराया अॅवॉर्ड २०२३ चे वितरण पालकमंत्री हसन मुश्रीफ यांच्या हस्ते शुक्रवार, दि. ३० रोजी सायंकाळी ५ वाजता शाहू सभागृह गडहिंग्लज येथे होणार आहे. उत्कृष्ट श्री गणेशमूर्ती, उत्कृष्ट तांत्रिक सजीव देखावा, उत्कृष्ट सामाजिक कार्य, उत्कृष्ट पर्यावरणपूरक, उत्कृष्ट मिरवणूक श्री गणराया अॅवॉर्डसाठी प्रत्येक गटासाठी अनुक्रमे ११ हजार, ७ हजार, ५ हजार, ३ हजार रुपये रोख व ट्रॉफी देण्यात येणार आहे. स्पर्धेचे परीक्षक रफिक पटेल, अरविंद बारदेस्कर, रमण लोहार, गणपतराव पाटोळे, अमोल शेडबाळे, सुरेश दास यांनी केले होते. सर्व गणेश मंडळांचे अध्यक्ष, पदाधिकारी व कार्यकर्त्यांनी कार्यक्रमास उपस्थित राहावे, असे आवाहन अध्यक्ष नविद मुश्रीफ यांनी केले आहे.