खणदाळ ता - गडहिंग्लज येथे राहत्या घरी पतीने आपल्या पत्नीचा धारधार विळ्याने मानेवर वार करून खून केल्याचा खळबळजनक प्रकार घडला असून याप्रकरणाची गडहिंग्लज पोलीस स्थानकात नोंद झाली आहे.
याबाबत गडहिंग्लज पोलिसांच्या कडून समजलेली अधिक माहिती अशी की,यातील संशयित आरोपी पती मारुती शिवाप्पा बेळाज २५/३/२०२४ रोजी सकाळी आपल्या शेतात उसाची लावण करत असताना पत्नी सुशीला हि वेळेत आपल्या साठी नाष्टा घेऊन आली नसल्याच्या रागातून रात्री ८.३० च्या दरम्यान सुशीला हि एकटीच घरी असल्याचे पाहून उजव्या बाजूस मानेवर हातातील धारधार विळ्याने जोरदार वार करून तिला जागीच ठार केले. याप्रकरणाची फिर्याद सुशीला यांचा मुलगा बसवराज बेळाज यांनी गडहिंग्लज पोलिसांत दिली आहे. तर संशयित आरोपी मारुती बेळाज हा फरारी आहे. या प्रकरणाचा अधिक तपास परिविक्षाधीन पोलीस अधीक्षक हर्षवर्धन बी.जे हे करीत आहेत.