गडहिंग्लज : गडहिंग्लजमध्ये नुकत्याच पार पडलेल्या टीसीजी युनायटेड बेबी लीग फुटबॉल स्पर्धेत शिवराज स्कूलला अंडर-१० व अंडर-१२ मध्ये दुहेरी विजेतेपद मिळाल्याबद्दल संस्थेमार्फत प्राचार्य श्री ए. बी. पाटील यांच्या शुभ हस्ते खेळाडू व कोच यांना भेटवस्तू देऊन सन्मानित करण्यात आले.
याप्रसंगी बोलताना प्राचार्य श्री. पाटील सर म्हणाले की, संस्थेमार्फत नेहमीच खेळाडूंना प्रोत्साहन दिले जाते. तसेच संस्थेला लाभलेल्या भव्य क्रीडांगनामुळे व उत्तम खेळाडू शिक्षकांच्या मार्गदर्शनामुळे विद्यालयातून राज्य / राष्ट्रीय स्तरापर्यंतचे खेळाडू निर्माण झालेले आहेत व होत आहेत सर्व खेळाडूंचे व प्रशिक्षक श्री किरण कावणेकर यांचे संस्थेचे पदाधिकारी श्री. किसनराव कुराडे-अध्यक्ष, श्री अनिलराव कुराडे-सचिव व श्री दिग्विजय कुराडे-उपाध्यक्ष यांनी कौतुक केले आहे.
खेळाडूंच्या सत्काराबाबत प्रशिक्षक श्री.किरण कावणेकर यांनी समाधान व्यक्त केले व संस्थेमार्फत नेहमीच प्रोत्साहन मिळते आणि म्हणूनच आम्ही चांगल्याप्रकारे सेवा बजावत आहोत अशी प्रतिक्रिया व्यक्त केली. याप्रसंगी स्कूलमधील सर्व विद्यार्थी शिक्षक व शिक्षकेतर कर्मचारी उपस्थित होते.