नरेंद्र मोदीच तिसऱ्यांदा पंतप्रधान होणार - समरजितसिंह घाटगे

KolhapurLive


गडहिंग्लजमध्ये पदाधिकाऱ्यांना वाटप केली निवड पत्रे

गडहिंग्लज : गेली दहा वर्षे केंद्रात भाजपचे सरकार सत्तेत आहे.पंतप्रधान नरेंद्र मोदी यांच्यामुळे जागतिक पातळीवर भारताची मान उंचावली. त्यामुळे येत्या लोकसभेच्या निवडणुकीनंतर भाजप व मित्र पक्षांचे सरकार पुन्हा सत्तेत येऊन मोदी हेच तिसऱ्यांदा पंतप्रधान होतील.असा विश्वास शाहू ग्रुपचे अध्यक्ष व भाजपाचे नेते राजे समरजितसिंह घाटगे यांनी व्यक्त केला.

    येथे गडहिंग्लज तालुक्यातील विविध पदाधिकाऱ्यांना निवड पत्र वाटपवेळी ते बोलत होते.

   श्री.घाटगे पुढे म्हणाले, मोदी सरकारने अनेक ऐतिहासिक निर्णय यशस्वीपणे घेतले आहेत. केंद्र व राज्य सरकारच्या माध्यमातून विविध लोककल्याणकारी योजना राबविल्या आहेत.त्याचा लाभ समाजातील सर्व घटकांना पारदर्शकपणे दिला आहे. या योजना व मोदी सरकारची दहा वर्षातील कामगिरी समाजातील शेवटच्या घटकापर्यंत पोचवण्यासाठी नवनिर्वाचित पदाधिकाऱ्यांनी काम करावे.

यावेळी निवड पत्रे वाटप केलेल्या पदाधिकाऱ्यांची नावे अशी.
सरचिटणीस-अजित जामदार,उपाध्यक्ष-अमित देशपांडे, संतोष पाटील, वसंत पोवार, द्राक्षायणी घुगरी,चिटणीस-सचिन कळेकर, रमेश दड्डीकर, तात्यासो देसाई, बाळकृष्ण शिंदे, कोषाध्यक्ष-विश्वनाथ खोत,महिला मोर्चा तालुकाध्यक्षा-अॕड परमेश्वरी पाटील,शहराध्यक्षा नीलांबरी भुईम्बर, युवा मोर्चा तालुकाध्यक्ष-प्रताप मोहिते,शहराध्यक्ष संग्राम हासबे, किसान मोर्चा तालुकाध्यक्ष - मानसिंग जाधव, ओबीसी मोर्चा तालुकाध्यक्ष-नंदकुमार गुरव, अनुसूचित जाती मोर्चा तालुकाध्यक्ष- वामन बिलावर, शहराध्यक्ष राजेश घोडके, युवती मोर्चा तालुकाध्यक्षा - प्रतिभा पाटील

यावेळी भाजपचे शहर व ग्रामीणचे पदाधिकारी व कार्यकर्ते मोठ्या संख्येने उपस्थित होते उपस्थित होते.

स्वागत जिल्हा उपाध्यक्ष राजेंद्र तारळे यांनी केले. प्रास्ताविक तालुकाध्यक्ष प्रीतम कापसे यांनी केले. आभार शैलेश कावणेकर यांनी मानले.

राष्ट्रवादीच्या कार्यकर्त्यांचा भाजपत प्रवेश

यावेळी गडहिंग्लजमधील विनायक डोणवाडे, अमर रावळ, कार्तिक रावण, विनायक कौजलगी, अवधूत गुंडप, सुशांत सोलापुरे, मनोज पोतदार या राष्ट्रवादीच्या कार्यकर्त्यांनी भाजपत प्रवेश केला. श्री घाटगे यांनी त्यांचे स्वागत केले.

छायाचित्र- गडहिंग्लज येथे तालुक्यातील नवनिर्वाचित पदाधिकाऱ्यांना निवड पत्र वाटपवेळी शाहू ग्रुपचे अध्यक्ष व भाजपचे नेते राजे समरजितसिंह घाटगे व इतर मान्यवर