चंदगड : हुंड्यासाठी छळ झाल्याने आत्महत्त्या करण्यास प्रवृत्त करणाऱ्यांवर कठोर कारवाई करण्याची मागणी सुरूते येथील महिलांनी शुक्रवारी चंदगडचे तहसीलदार राजेश चव्हाण, पोलीस निरीक्षक नितीन सावंत यांना निवेदन देऊन केली आहे.
सुरूते गावची कन्या निकीता हनुमत पाटील हिचा राजगोळी बुद्रुक येथील हनुमंत पाटील याच्याशी लग्न झाल्यानंतर वेळोवेळी सासरच्या मंडळीकडून हुंड्यासाठी छळ केला होता. हुंड्याची मागणी केल्याचे तिच्या घरच्यांकडून समजले. केवळ हुंड्यासाठीच निकीताचा बळी गेला आहे. ही महिलांसाठी धक्कादायक बाब आहे. या घटनेची चौकशी अधिकाऱ्यांनी कोणत्याही दबावाला बळी न पडता करावी, असे मत व्यक्त केले आहे. या निवेदनावर उपसरपंच सौ. लता भाटे, सुनिता भाटे, अर्चना पाटील, निर्मला शिवाजी पाटील, सुवर्णा पाटील, रिना पाटील, रेणुका भुजबळ, मनिषा चौगुले, रेखा मरगाळे, गायत्री पाटील यांच्यासह पन्नास महिलांनी उपस्थित रहावून निवेदन दिले आहे. सरपंच मारूती गंगाराम पाटील, मनोहर पाटील, यल्लाप्पा पाटील, पी. जी. पाटील, महादेव कडेमनी आदी ग्रामस्थ सहभागी
झाले होते.