गडहिंग्लज : येथील शिवराज महाविद्यालयात बी. सी. एस. विभाग यांच्या वतीने आयोजित आझाद हिंद सेनेचे संस्थापक नेताजी सुभाषचंद्र बोस यांची जयंती साजरी करण्यात आली. तसेच पदार्थविज्ञान विभाग यांच्या वतीने आयोजित शिवसेनेचे संस्थापक बाळासाहेब ठाकरे यांची जयंती संपन्न झाली. प्रारंभी स्वागत व प्रास्ताविक प्रा. रवी खोत यांनी केले. या कार्यक्रमात नेताजी सुभाषचंद्र बोस यांच्या प्रतिमेचे पूजन प्रा. सौ. बिनादेवी कुराडे यांच्या हस्ते करण्यात आले, तसेच शिवसेनेचे संस्थापक बाळासाहेब ठाकरे यांच्या प्रतिमेचे पूजन प्राचार्य डॉ. एस. एम. कदम यांच्या हस्ते करण्यात आले. या कार्यक्रमात प्रा. गौरव पाटील यांनी आझाद हिंद सेनेचे संस्थापक नेताजी सुभाषचंद्र बोस व शिवसेनेचे संस्थापक बाळासाहेब ठाकरे यांच्या जीवनकार्याबाबत सविस्तर माहिती देऊन मागर्दर्शन केले. या कार्यक्रमास ग्रंथपाल श्री संदीप कुराडे, डॉ. ए. जी. हारदारे, डॉ. विजय सावंत, पर्यवेक्षक प्रा.टी.व्ही. चौगुले यांच्यासह सर्व प्राध्यापक, प्रशासकीय सेवक, विद्यार्थी-विद्यार्थिनी उपस्थित होते. आभार प्रा. नितीन चव्हाण यांनी मानले.