गडहिंग्लज: विसापूर (चंद्रपूर) येथे नुकत्याच पार पडलेल्या 19 वर्षाखालील 'राज्यस्तरीय शासकीय अॅथलेटिक्स' स्पर्धेत संभाजीराव माने जुनिअर महाविद्यालयाच्या खेळाडूंनी सहा सुवर्णपदके आणि दोन रौप्य पदके पटकावले. विजयी संघामध्ये वैष्णवी रावळ हिने आठशे मीटर धावणेमध्ये सुवर्णपदक, पंधराशे मीटर धावणेमध्ये रौप्यपदक, क्रॉसकंट्रीमध्ये रौप्यपदक, 4 x 400 मीटर रिलेमध्ये सुवर्णपदक असून या स्पर्धेतून पुढे होणाऱ्या राष्ट्रीय स्पर्धेसाठी वैष्णवी रावळ यांची आठशे, पंधराशे व क्रॉसकंट्री या तीन क्रीडाप्रकारातून निवड झाली आहे. मेघना मोहिते, रसिका शिंत्रे, श्रद्धा शिंदे, सुकन्या शिवणे, आरती पाटील या खेळाडूंनी 4x400 रिलेमध्ये सुवर्णपदक पटकाविले. महाविद्यालयाच्यावतीने या सर्व खेळाडूंचे अभिनंदन करण्यात आले.
शिवराज विद्या संकुलाचे अध्यक्ष प्रा. किसनराव कुराडे, सचिव डॉ. अनिलराव कुराडे, उपाध्यक्ष अॅड. दिग्विजय कुराडे, प्राचार्य डॉ. एस. एम. कदम यांचे प्रोत्साहन तर पर्यवेक्षक प्रा. तानाजी चौगुले, क्रीडा विभाग प्रमुख डॉ. राहुल मगदूम व प्रा. जयवंत पाटील यांचे मोलाचे मार्गदर्शन लाभले.
