गडहिंग्लज : येथील शिवराज महाविद्यालयात फूड सायन्स विभागाच्यावतीने 'अन्न सुरक्षा आणि कायदा बाबत भित्तीपत्रकाव्दारे जनजागृती करण्यात आली. प्रारंभी प्रा. तन्झीला काझी यांनी स्वागत करून प्रास्ताविकातून अन्न सुरक्षा आणि कायदा' हा सामान्य माणसांसाठी करण्यात आला आहे. सामान्य माणसाचे आरोग्य सुरक्षित ठेवण्यासाठी या कायद्याची खरी गरज आहे. याची जनजागृती समाजात करण्यात यावी या उद्देशाने या उपक्रमाचे आयोजन करण्यात आल्याचे सांगितले. या भित्तीपत्रकाचे उदघाटन प्राचार्य डॉ.एस.एम.कदम यांच्या हस्ते करण्यात आले. यावेळी अॅकेडेमिक डायरेक्टर डॉ. आर.एस. विणकर यांची प्रमुख उपस्थिती लाभली. प्राचार्य डी.एस.एम.कदम, अकेडेमिक डायरेक्टर डॉ. आर. एस. निळपणकर व फूड सायन्स विभागप्रमुख प्रा. किशोर अदाटे यांनी विद्यार्थ्यांना मौलिक असे मार्गदर्शन केले. फूड सायन्सच्या भाग एक, दोन व तीन मधील सर्व विद्यार्थ्यांनी अन्न सुरक्षा कायद्याची सविस्तर माहिती संकलित करून हे भितीपत्रक तयार केले.
यावेळी प्रा. निकिता नाईक, प्रा. श्रीधर सावेकर, प्रा. तेजस्विनी शिंदे, प्रा. रेवती राजाराम, प्रा. गौरव पाटील, प्रा. केदार गुरव, प्रा. प्रवीण गंदगडे. प्रा. सुशांत पांगम यांच्यासह अन्य प्राध्यापक, विद्यार्थी- विद्यार्थिनी उपस्थित होते. कार्यक्रमात आभार प्रा. राजश्री दळवी यांनी मानले.