गडहिंग्लज : गडहिंग्लज शहरातून राष्ट्रीय महामार्ग जात आहे.त्यामुळे शहरातील मुख्य रस्त्यावरील झाडे सपासप तोडली जात आहेत. यामुळे शहराच्या मुख्य रस्त्याचे सौंदर्य नष्ट होणार आहे. अशातच शहरातील अन्य रस्त्यावरील झाडे विविध कारणे सांगून तोडणे सुरू झाले आहे.त्यामुळे शहरातील वृक्षप्रेमी हवालदील झाले आहेत. नुकतेच आझाद मार्गावरील झाड तोडण्याचा प्रयत्न करण्यात आला आहे . याला अक्षपे घेतल्यानंतर नगरपालिकेने सदर झाड तोडण्याचे थांबवले आहे. झाडे वाढवण्यासाठी शासन प्रयत्न करत असताना कोणत्याही चौकशीपूर्व झाडे तोडली जात आहे. त्यामुळे शहराचे सौंदर्य आणि नैसर्गिक हानी होणार असल्याने नगरपालिकेने यात लक्ष घालावे, अशी मागणी होताना दिसत आहे.