गडहिंग्लज : येथील शिवराज कॉलेज ऑफ फार्मसीमध्ये प्रथमवर्ष डी. फार्मसी व प्रथमवर्ष बी फार्मसी विध्यावकारिता व्यक्तिमत्व विकास कार्यशाळेचे आयोजन करण्यात आले. कार्यक्रमाच्या अध्यक्षस्थानी महाविध्यालयाचे प्राचार्य डॉ. राहुल जाधव होते. या कार्यशाळेसाठी प्रमुख पाहुणे म्हणून डॉ. सोमकांत जावरकर यांना आमंत्रित करण्यात आले होते. यावेळी डॉ. जावरकर यांनी विध्यार्थ्यांना व्यक्तिमत्व विकास आपल्या संपूर्ण व्यक्तिमत्वामध्ये कसे सकारात्मक बदल घडवून आणते. त्याचबरोबर यामुळे भविष्यात व्यक्तिगत तसेच व्यावसायिक पातळीवरील किती फायदे होतात. याविषयी मार्गदर्शन केले. आजच्या स्पर्ध्येच्या युगात आपली देहबोली, वेशभूषा, आपले संवाद कौशल्य प्रत्येकाच्या व्यक्तीमत्वात बदल घडवून जीवनाला कलाटणी देतात हे विध्यार्थ्यांना उदाहरणासह त्यांनी पटवून दिले. प्राचार्य डॉ. राहुल जाधव याप्रसंगी म्हणाले विध्यार्थी आपल्या व्यक्तिमत्वात विकास घडवून भविष्यात उत्तमरित्या करिअर बनवू शकतात यासाठी विध्यार्थ्यांनी आतापासून त्याची तयारी करावी. कार्यक्रमाचे सूत्रसंचालन प्रा. मनीषा जाधव यांनी केले तर आभार प्रदर्शन प्रा. स्नेहल दळवी यांनी केले. यावेळी प्रा. पूजा पाटील, प्रा. गौरी पोवार उपस्थित होत्या.