गडहिंग्लज : गडहिंग्लज तालुक्यातील हिटणी या गावी जनसंवाद यात्रेच्या निमित्ताने आयोजित कार्यक्रमात कोल्हापूर जिल्हा कॉंग्रेस कमिटीचे अध्यक्ष तथा विधान परीषदेचे गटनेते मा. आमदार श्री. सतेज उर्फ बंटी पाटील साहेब यांच्या हस्ते गडहिंग्लज तालुक्यातील पहिल्या शाखेचे उद्घाटन करण्यात आले. महाराष्ट्र - कर्नाटक सिमेवरील पहिल्या गावापासून शाखा सुरु करण्याची मोहिम सुरुवात करण्यात आली. यावेळी बोलताना सतेज पाटीलसो म्हणाले की, नुतन अध्यक्ष श्री. प्रशांत देसाई यांच्या मार्गदर्शनाखाली सुरु झालेली ही गाव तिथे शाखा मोहिम अतिशय चांगली असून भविष्यात अशा शाखा संपूर्ण तालुक्यात सुरु करण्याची तालुका अध्यक्षांची जबाबदारी असेल असे म्हणाले तसेच या शाखेच्या माध्यमातून शेतकऱ्यांचे दिनदलित महिला, युवक तसेच इतर सामाजिक दिनदलित प्रश्न सोडवण्याचे प्रयत्न करावेत. जी काय मदत अथवा सहकार्य करावे लागेल त्यास मी कटिबंध राहीन आणि या शाखेच्या माध्यमातून आपण प्रत्येक घरापर्यंत पोहचले पाहिजे असेही सांगितले.
महाराष्ट्र कर्नाटक सीमेवरील पहिल्या गावापासून याची सुरवात केल्याबद्दल मला खूप आनंद आणि अभिमान वाटला तसेच या गावातील शाखा सुरु करण्यासाठी श्री. गुरगोंडा पाटील ग्रामपंचायत सदस्य व श्री. अरुण किल्लेदार ग्रामपंचायत सदस्य यांनी जास्त मेहनत घेत या गावामध्ये कॉंग्रेस हा पक्ष व कॉंग्रेस पक्षाची विचारधारा रुजवण्याचे प्रयत्न करत आहेत त्याबद्दल त्यांचे मनापासून अभिनंदन केले व उपस्थित सर्वांना येणाऱ्या काळात काँग्रेस पक्षासोबत राहण्याचे आव्हान केले. येणाऱ्या काळात आपण कॉंग्रेस सोबत राहिलात तरच आपल्या जीवनात "अच्छे दिन" खऱ्या अर्थाने येतील. अन्यथा महागाई, बेरोजगारी, भ्रष्टाचार, शेतकऱ्यांवरील संकट, महिलांवरील अत्याचार यांसारख्या गोष्टींना सामोरे जावे लागेल असेही म्हणाले. भारताचे संविधान बदलण्याचा घाट घातला जात आहे तेंव्हा या गोष्टीला हाणून पाडण्यासाठी २०२४ च्या लोकसभेत INDIA आघाडीसोबत राहण्यासाठी आव्हान केले. सर्व नूतन पदाधिकाऱ्यांना पुढील वाटचालीसाठी शुभेच्छा देत आपल्यावर आता जबाबदारी आली असल्याचे जाणीव देखील करुन दिले.
यावेळी कार्यक्रमाचे स्वागत व प्रास्ताविक करताना श्री. गुरगोंडा पाटील ग्रामपंचायत सदस्य यांनी गावातील सामाजिक व राजकीय परीस्थितीचे अवलोकन केले. तसेच गावातील अनेक समस्या अपूर्ण कामे यांचीही माहिती दिली. गावातून संकेश्वरला जोडणाऱ्या २.५ कि. मी. चा रस्ता झाल्यास १५ कि.मी. चा प्रवास कमी होऊन अनेक शेतकऱ्यांचे प्रश्न निकालात निघणार आहेत. तसेच नदीवर जर पूल बांधण्यात आला तर खणदाळ हद्दीतील हिटणी गावच्या शेतकऱ्यांच्या असलेल्या शेतीचा प्रश्न संपुष्टात येणार असून हलकर्णी मार्गे बेळगावला जाणारा सर्वात जवळचा रस्ता होणार असलेने याकडे लक्ष दयावे असे सूचविले, तसेच आमचे मार्गदर्शक व नूतन तालुका अध्यक्ष श्री. प्रशांत देसाई व श्री. विद्याधर गुरवे यांच्या मार्गदर्शनाखाली या तालुक्यात पक्षवाढीसाठी सदैव कटीबध्द राहू व आम्ही कुठेही कमी पडणार नाही अशी ग्वाही देखील यावेळी दिली. यावेळी NHEC चे अध्यक्ष मा. डॉ. श्री. संग्रामसिंहजी नलवडे, श्री. विद्याधर गुरबे, श्री. प्रशांत देसाई आदिंनी मनोगत व्यक्त केले. कार्यक्रमाच्या सुरवातीस मा.आ.श्री. सतेज उर्फ बंटी पाटीलसो यांचा ग्रामस्थांच्या वतीने स्वागत गावचे सरपंच श्री. रावसाहेब किल्लेदार यांच्या हस्ते करण्यात आले. तसेच उपस्थित सर्वच मान्यवरांचे स्वागत गावातील प्रतिष्ठीत नागरीकांच्या हस्ते करण्यात आले..
सदर कार्यक्रमास प्रदेश कॉंग्रेसचे सरचिटणीस श्री. शशांक बावसकर, श्री अजिक्य चव्हाण, श्री. बाजीराव खाडे, श्री. फत्तीसिंह नलवडे, श्री. सोमगोंडा आरबोळे, श्री. प्रशांत पाटील, श्री.भरमगोंडा पाटील, श्री. बसवराज कांबळे, श्री. चेतन जमदंडे, श्री. वरुण पाटील, श्री. बसवराज बोरगल्ली, श्री. गोंडा पाटील, श्री. कुमार मस्ती, श्री. बसगोंडा पाटील, श्री. संदीप कंकणवाडी, श्री. गुलाब नाईकवाडे यांच्यासह अनेक मान्यवर मोठ्या संख्येने उपस्थित होते. कार्यक्रमाच्या शेवटी सर्वांचे आभार ग्रामपंचायत सदस्य श्री. अरुण किल्लेदार यांनी मानले.