गडहिंग्लज : येथील शिवराज महाविद्यालयात भौतिकशास्त्र विभागामार्फत आयोजित बेस्ट प्रक्टिसेस कार्यशाळा संपन्न झाली. या कार्यक्रमास प्रमुख अतिथी विद्या संकुलाचे अध्यक्ष प्रा. किसनराव कुराडे होते, अध्यक्षस्थानी प्राचार्य डॉ. एस. एम. कदम होते. प्रारंभी स्वागत व प्रास्ताविक प्रा. गौरव पाटील यांनी केले. पूर्ण सम्राहमध्ये चालणाऱ्या या कार्यशाळेमध्ये भौतिकशात्रातील प्रात्यक्षिकासाठी मुलभूत साधने यांची विस्तृत माहिती प्रथम वर्ष विज्ञान विभागातील विद्यार्थ्यांना देण्यात येणार आहे. या शुभारंभ प्रसंगी विद्या संकुलाचे अध्यक्ष प्रा. किसनराव कुराडे यांनी विद्यार्थ्यांना मार्गदर्शन करताना म्हणाले- कौशल्यावर आधारित शिक्षण घेणे काळाची गरज बनली आहे. केवळ पुस्तकी ज्ञान न घेता त्यास कौशल्याची जोड देणे गरजेचे आहे. त्यासाठी असे उपक्रम राबविणे महत्त्वाचे आहे. विद्याथ्यांनी अशा उपक्रमात सक्रीय सहभाग घेणे आवश्यक आहे असे प्रतिपादन केले. प्राचार्य डॉ. एस. एम. कदम यांनी अध्यक्षीय भाषणातून विद्यार्थ्यांना सविस्तर मार्गदर्शन केले. या कार्यक्रमास भौतिकशास्त्र विभागाचे सर्व प्राध्यापक, प्रशासकीय सेवक, विद्यार्थी-विद्यार्थिनी उपस्थित होते. सूत्रसंचालन प्रा.प्रवीण गंगडे यांनी केले तर आभार प्रा. सुशांत पांगम यांनी मानले.