नेसरी : नेसरी ग्रामपंचायत व एस. जी. एम. ऑन्को लाईफ कॅन्सर हॉस्पिटल चिंचेवाडी यांच्या संयुक्त विद्यमाने मंगळवार दिनांक १८ जुलै रोजी सकाळी १० वाजता मसनाई मंदिर येथे मोफत आरोग्य तपासणी शिबिराचे आयोजन करण्यात आले आहे. यामध्ये पुरुषांची आरोग्य तपासणी, मौखिक तपासणी, स्त्रियांसाठी स्त्रीरोग तज्ञांकडून आरोग्य तपासणी, गर्भाशयाची तपासणी, सर्व प्रकारचे वात विकार, मणक्याचे विकार, संधिवात आमवात, पक्षाघात, आम्लपित्त, श्वसनाचे विकार, दमा यावर मोफत आयुर्वेदिक सल्ला व तपासणी करण्यात येणार आहे. थसेच नेत्र तपासणीही होणार आहे. या शिबीराचा लाभ घेण्याचे आवाहन सरपंच गिरीजादेवी शिंदे, उपसरपंच प्रथमेश दळवी ग्रामविकास अधिकारी एस. आर. गुरव व ग्रामपंचायत सदस्य यांनी केले आहे.