गडहिंग्लज : येथील संत बाळूमामा व हालसिद्धनाथ देवालयाच्या विकासासाठी तीर्थक्षेत्र विकास निधीतून दोन कोटी मिळावेत, अशी मागणी वैद्यकीय शिक्षण मंत्री हसन मुश्रीफ यांच्याकडे केली आहे.
संत बाळूमामा मंदिरात दर्शनासाठी नेहमी गर्दी असते. दरवर्षी महाप्रसादाचे वाटप केले जाते. पावसाळ्यात या ठिकाणी सोय नसल्याने अडचणी येतात. त्यासाठी स्वयंपाकग्रह, प्रसादलय दर्शन मंडप आणि परिसरात पेव्हिंग ब्लॉकसाठी शासनाने दोन कोटीची मदत करावी, अशी मागणी बाळूमामा मंदिराचे प्रमुख रमेश रिंगणे, चंद्रकांत सावंत, अरविंद केतुरकर, नागप्‍पा कोल्हापूर, राजशेखर दड्डी, सुरेश कोळकी यांनी केली आहे. यावेळी जि. प. माजी उपाध्यक्ष सतीश पाटील, उदयराव जोशी, अजित विटेकरी, जवाहर घुगरे आधी उपस्थित होते.