चंदगड : चंदगड अर्बन बँकेचे चेअरमन दयानंद काणेकर व चंदगड नगरपंचायतीच्या नगराध्यक्षा प्राची काणेकर यांचे • चिरंजीव प्रथमेश काणेकर हे सीए परीक्षेत उत्तीर्ण होत उज्वल यश मिळविल्याने त्याचे चंदगड परिसरात अभिनंदन होत आहे. या परीक्षेसाठी त्याने मोठी मेहनत घेतली. सीए परीक्षेसाठी प्रथमेश काणेकर याला सर्जेराव सासवडे, स्वरूप अमलझारे, स्वप्नील शेटे यांचे मार्गदर्शन लाभले. विद्यार्थ्यांनी ध्येय निश्चित करून परीक्षेला सामोरे जाण्यापूर्वी गोंधळून न जाता अभ्यासात सातत्य आणि कठोर परिश्रम घेतल्यास यश निश्चित मिळते. सीए परीक्षेच्या यशात आई प्राची काणेकर, वडील दयानंद काणेकर यांचा सिंहाचा वाटा असल्याचे त्याने बोलताना सांगितले. त्याच्या या यशामुळे चंदगडनगरीसह तालुक्यात त्याचे अभिनंदन करण्यात येत आहे.
