गडहिंग्लज : येथील शिवराज विद्या संकुलातील हिंदी विभाग प्रमुख प्रा. एन. बी. ईकिले यांनी 'इक्कीसवी सदी के प्रतिनिधी उपन्यासो में पारीस्थितीकी विमर्श' या विषयात आपला शोधनिबंध सादर करून पुणे विद्यापीठाची पीएच.डी. पदवी प्राप्त केली. त्यांच्या बरोबरच याच आठवडयात मराठी विषयाचे सहयोगी प्रा. अशोक मोरमारे यांनी 'आदिवासी कोळी मल्हार जमातीच्या लोकसाहित्याचा अभ्यास' या विषयावर सादर केलेल्या प्रबंधाला शिवाजी विद्यापीठाने पीएच.डी. पदवी प्रदान केली. ग्रामीण भागातील एकाच संस्थेतील दोन व्यक्तिंना एकाच आठवडयात पीएच.डी. पदवी प्राप्त होणे हा या परिसरातील शैक्षणिक क्षेत्रात कौतुकाचा विषय बनलेला आहे. तसे पाहिले तर शिवराज विद्या संकुलामध्ये सध्या दोन डझनाहून अधिक पीएच.डी. पदवीधारक असून तितक्याच संख्येने शिक्षक व शिक्षकेत्तर कर्मचारी निरनिराळ्या विषयावर संशोधन करीत आहेत. यामुळे ग्रामीण भागातील शिक्षण क्षेत्रातीलल हा एक आदर्श उपक्रम ठरणार आहे. संस्थेचे अध्यक्ष प्रा. किसनराव कुराडे, सचिव डॉ. अनिल कुराडे, उपाध्यक्ष अॅड. दिग्विजय कुराडे, प्राचार्य डॉ.एस.एम. कदम व इतर सर्वांनी प्रोत्साहन दिल्यामुळे असे उपक्रम या परिसरात यशस्वी होत आहेत. आशी माहिती संस्थेचे संचालक श्री बसवराज आजरी यांनी दिली आहे.
