गडहिंग्लज, ता. ११ : मंत्रिपदाची शपथ घेतल्यानंतर आमदार हसन मुश्रीफ हे शनिवारी (ता. १५) पहिल्यांदाच गडहिंग्लजला येत आहेत. त्यांचे जंगी स्वागत करण्याचा निर्धार गडहिंग्लज शहर आणि गिजवणे - कडगाव जि. प. मतदारसंघाच्या कार्यकर्त्यांनी बैठकीत केला.
बैठकीत मुश्रीफ यांच्या स्वागताचे कार्यक्रम नियोजन केले. चार वाजता काळभैरी देवालयात मुश्रीफ दर्शनासाठी उपस्थित राहणार आहेत. सायंकाळी साडेचार वाजता महात्मा बसवेश्वर पुतळ्याला अभिवादन करून स्वागत मिरवणुकीने येत श्री महालक्ष्मी देवीचे दर्शन घेणार आहेत. त्यानंतर पाच वाजता दसरा चौकातील छत्रपती शिवाजी महाराज पुतळा आणि प्रांत कार्यालयासमोरील. महात्मा गांधी व डॉ. बाबासाहेब आंबेडकर यांच्या पुतळ्यांना अभिवादन करणार आहेत. नगरपरिषदेच्या प्रांगणात साडेपाचला सत्काराचा कार्यक्रम होणार आहे.बैठकीस किरण कदम, उदय जोशी, सतीश पाटील, सुरेश कोळकी, सिद्धार्थ बन्ने, रामगोंडा ऊर्फ गुंडू पाटील, महेश सलवादे, अशोक मेंडुले, दीपक कुराडे, उदय परीट, राजू जमादार, बाळासाहेब घुगरी, स्वप्नील गुरव, रेश्मा कांबळे, रुपाली परीट, श्रीमती शारदा आजरी, अरुणा कोलते आदी उपस्थित होते.