कोल्हापूर : जिल्हा परिषद कोल्हापूर संचलित,मेन राजाराम हायस्कूल व ज्युनिअर कॉलेज, कोल्हापूर या प्रशालेतील इ.११वी कला, वाणिज्य, विज्ञान या शाखेच्या नवागत विद्यार्थ्यांचे स्वागत समारंभ संपन्न झाला.या ऐतिहासिक, गुणवत्तापूर्ण काॉलेजमध्ये प्रवेश मिळाला यांचे आम्हाला समाधान आहे असे मत समृद्धी पाटील, तेजस्विनी मलुष्टे, ऐश्वर्या राऊत,सानिका गायकवाड , गायत्री आंबी,शिरीन मुजावर,पायल दिगंबरे,श्रेयश दळवी या विद्यार्थ्यांनी व्यक्त केले. इ.११वी विद्यार्थ्यांचे स्वागत प्रातिनिधिक स्वरूपात १२वी च्या विद्यार्थ्यांनी पुष्पगुच्छ देऊन केले.
कार्यक्रमाच्या प्रास्ताविकात प्राचार्य विजय डोणे यांनी विद्यार्थ्यांनी शालेय जीवनात प्रचंड मेहनत,कष्ट घेऊन निवडलेल्या क्षेत्रात यश पादाक्रांत करा, तारूण्यावस्थेत भरकटत जाण्यापेक्षा जे ध्येय ठरवलात त्या ध्येयाचा पाठलाग करा, आपल्या आईवडिल व शाळेला कधी ही विसरू नका.
शिक्षक मनोगतात शाळा ही पाठ्यपुस्तक पुर्ण करणारी केंद्र नसून संस्कारकेंद्र,माणूस बनविणारे संवेदनशील केंद्र आहे.आपली संगत, प्रसारमाध्यमांचा वापर कसा असावा,आपण का अभ्यास करावा, कशासाठी अभ्यास करायचा हे समजणे आवश्यक आहे असे मत स्वागतपर मनोगतात सुषमा पाटील यांनी प्रतिपादन केले.तसेच जे ज्ञान आपण घेतले आहे त्याचे योग्य सुव्यवस्थापन ,उपयोजन करता आले पाहिजे.तुमची स्वप्न उंच व उदात्त असली पाहिजे असे मत अध्यक्षीय मनोगतात उपप्राचार्य डॉ गजानन खाडे यांनी व्यक्त केले.
यावेळी सूत्रसंचालन बाबासाहेब माळवे यांनी तर आभार दिपा लोहार यांनी मानले.याप्रसंगी वनिता खडके,सपना माने, हर्षवर्धन काटकर, भाऊसाहेब धराडे,राहूल देशमुख, विकास पाटील, सचिन वडाम , शीतल भुरके,प्रिया पुजारी, सचिन चव्हाण,प्रफुल्ल कदम, निलेश साळुंखे,राजू मोरे ,संगिता चव्हाण तसेच विद्यार्थी विद्यार्थिनी उपस्थित होते..