चंदगड : येथील फादर अग्नेल स्कूलमध्ये हॉलीबॉल फुटबॉल रस्सीखेच बास्केटबॉल यासारख्या पावसाळी खेळांचे आयोजन केले होते.संपूर्ण मैदान चिखलाने माखलेले होते. विद्यार्थ्यांनी पडणाऱ्या पावसाचा आनंद लुटत चिखलात लालेलाल झाले. विद्यार्थ्यांच्या अंगी शरीरात चपळता यावी अभ्यासाबरोबरच मैदानी खेळातील महत्त्व कळावे निसर्गाशी अनोखी पद्धतीने नाळ जोडण्यासाठी, निसर्गाचा आनंद घेता याला पाहिजे. शिवाय खेळतानाही आपण तरबेज असले पाहिजे पावसातील थंडगार पाण्याचे थेंब अंगावर झेलता आले पाहिजे या हेतूने हे खेळ घेण्यात आले खेळातील थरारक अनुभव विद्यार्थ्याला घेता यावेत. यासाठी पावसाळी खेळ व चिखल महोत्सव असा संयुक्त कार्यक्रम घेण्यात आला. इयत्ता पहिली ते दहावीच्या विद्यार्थ्यांनी या अनोखी कार्यक्रमात सहभागी होऊन खेळाचा आनंद लुटला. विद्यार्थी व शिक्षक यांनी फुटबॉल सामना खेळून वेगळेपणा जपला. या खेळात सहभागी झालेल्या सर्व विद्यार्थ्यांचे स्वागत मुख्याध्यापक फादर विल्सन पॉल यांनी केले. आभार क्रीडा शिक्षक इम्रान पठाण यांनी मानले.