गडहिंग्लज :
येथील शिवराज महाविद्यालयात लोकराजा राजर्षी छत्रपती शाहू महाराज यांच्या पुण्यतिथीनिमित्त १०० सेकंद स्तब्धता पाळून अभिवादन करण्यात आले. या अभिवादन कार्यक्रमाच्या अध्यक्षस्थानी प्राचार्य डॉ.एस.एम.कदम होते तर शिवराज विद्या संकुलाचे उपाध्यक्ष ॲड. दिग्विजय कुराडे यांची प्रमुख उपस्थिती लाभली. प्रारंभी प्रास्ताविक पर्यवेक्षक प्रा. तानाजी चौगुले यांनी केले.
दरम्यान महाविद्यालयात राज्यशास्त्र विभागाच्या वतीने शिवराज विद्या संकुलाचे उपाध्यक्ष ॲड. "दिग्विजय कुराडे- 'शाहू महाराज यांचे विचार, राष्ट्रीय सेवा योजना विभागाच्या वतीने डॉ. आर. पी. हॅडगे- राजर्षी शाहू महाराज यांचे आरक्षण धोरण, तर क्रीडा विभागाच्यावतीने प्रा. संतोष पाटील- शाहू महाराज यांचे कार्य आणि कर्तृत्व' ही तीन व्याख्याने महाविद्यालयात संपन्न झाली. या अभिवादनप्रसंगी पदव्युत्तर विभाग प्रमुख डॉ. सुधीर मुंज, क्रिडा विभाग प्रमुख डॉ. राहुल मगदूम, एन. एस. एस . विभाग प्रमुख प्रा. डी. पी. खेडकर ग्रंथपाल श्री संदीप कुराडे, डॉ. ए.जी. हरदारे यांच्यासह सर्व प्राध्यापक, प्रशासकीय सेवक, बहुसंख्य पालक, विद्यार्थी-विद्यार्थिनी, उपस्थित होते.