नेसरी : किणे (ता. आजरा ) हद्दीत आज दुपारी चारचाकी अपघातात सुट्टीवर आलेले जवान मसणू थोंडीबा मणगुतकर (वय.३२ वर्षे ) रा. तावरेवाडी ता. गडहिंग्लज यांचा मृत्यू झाला. यबाबत माहिती अशी, मणगुतकर हे आपल्या मामाच्या मुलीच्या लग्नासाठी बुधवारी आले होते.कामानिमित्त ते आजऱ्याकडे अल्टो गाडीने येत असताना त्यांचा गाडीवरील ताबा सुटला व गाडी रस्त्याकडेच्या झाडावर आदळली . अपघातात ते जागीच ठार झाले . मणगुतकर हे २०१४ साली सैन्यात भरती झाले होते. त्यांनी शीख रेजीमेंटमधून लडाख , लखनौ या ठिकाणी ५ वर्षे सेवा बजावली.