चंदगड : कोदाळी येथे गोवा बनावटीच्या मध्याची राजरोस विक्री सुरू असल्याने गावातील धार्मिक व सामाजिक वातावरण बिघडली आहे .चंदगड पोलिसांनी तात्काळ संबंधी दारू विक्रेत्यांवर कारवाई करून दारू विक्री बंद करावी, अशी मागणी महिला मंडळाने केली आहे. कोदाळी येथील सराईत दारू विक्रीते कायमस्वरूपी गोवा बनाटीच्या मध्याची तस्करी करीत असतात. अलिकडे तर दारू विक्रेत्यांनी कहरच केला आहे. येथील नागरिक दारूच्या आहारी जाऊन व्यसनाधीन झाले आहेत. अनेकजण मद्याच्या नशेत महिलांना शिविगाळ, मारबडव करत आहेत. अनेक महिलांचे संसार उध्वस्त झाले आहेत. संबंधीत दारू विक्रेत्यांना आमच्या समोर उभा करून कारवाई करावी, अशी मागणी भाग्यश्री गवस, अश्विनी पाटील, शारदा दळवी, सुमित्रा दळवी, सवित्रा दळवी, वैभवी गावडे, भाग्यश्री गावडे, रक्कमा कांबळे, लक्ष्मी गवस, सुभद्रा गवस, सरस्वती कांबळे, भागिरथी कांबळे, अनिता दळवी, सरस्वती कांबळे, अनिता कांबळे, आनंदी कांबळे, गुलाबी नाईक, अश्विनी नाईक, विद्या गवस आदी महिलांनी केली आहे.
